Latifa.uz saytida eng ko'p ovoz olgan latifalar ro'yxati.
— Erim yo‘qolib qoldi. O‘rtoq militsioner erimni shu bugunoq topib beringlar. Men erimni sevaman, erimsiz dunyo ko‘zimga qorongu. Topinglar, qidiringlar erimni
— Xonim, sal o‘zizni bosib oling. Bir boshidan ayting, eriz qachon yo‘qoldi?
— Bir haftacha bo‘ldi yo‘qolganiga, shu bugunoq topasizlarmi?
— Nimaga aynan bugun topishimiz kerak?
— Bugun erimni oylik oladigan kunida - debdi.
Sher o‘rmondagi barcha hayvonlarni to‘plab:
— Bundan keyin hammangiz o‘zingizga sherik topib, bir-biringizni himoya qilib yuring. Sizlarni hammangizni himoya qilib yurishdan charchadim, - desa
Quyon:
— Sherga kimdan-kim g‘ing desa, o‘zim adabini beraman, - dermish
7 yoshlik bolakay o‘qtuvchisidan so‘rabdi:
— Uztoz 7 yoshda ham ota bo‘lsa bo‘ladimi?
Ustozi:
— Yo‘q, buni iloji ham yo‘q!
Shunda bolakay joyiga o‘tirib yonidagi qizchaga:
— Ana, ko‘rdingmi, sen bo‘lsa havotirlanasan, - debdi.
Bir odam yangi mashina sotib olibdi va unga xotini:
— Hozir yomon odamlar ko‘p, mashinani magnitafonini o‘g‘irlab ketishlari mumkin. Garajimiz yo‘q. Nima qilamiz? - debdi.
Eri o‘ylab, o‘ylab chorasini topibdi. Qog‘ozga: "Bu mashinada audio magnitafon, uyali telefon, hatto motori ham yo‘q", - deb yozib, yopishtirib qo‘yibdi.
Ertasiga ertalab chiqsa, mashinani oldida odamlar to‘planib turgan emish. Borib qarasa yopishtirib ketgan qog‘ozi tagida yana 1 ta qog‘oz paydo bo‘lib qolganmish. U qog‘ozni o‘qisa: "Audio magnitafon, uyali telefon, hatto motoriyam yo‘q mashinaga 4 ta balonni nima keragi bor? - deb, yozib qo‘yishgan ekan.
Podsho uzoq muddatlik ovga ketgan edi. Boshqa mamlakatdan elchi kelib qoldi. Vazir uni parvarish qilishni Afandiga topshirdi. Afandi har kuni oshpazga tayinlab, elchini qirg‘ovul, bedana, kaklik go‘shtlaridan tayyorlangan sara ovqatlar bilan boqar edi.
Oradan besh-o‘n kun o‘tdi, qush go‘shti elchining me’dasiga tegib, u oshpazdan so‘qim go‘shtidan ovqat tayyorlab berishni iltimos qildi. Oshpaz uning tiliga tushunmay, vazirga murojaat qildi. U ham tushunmay Afandidan tushuntirib berishni iltimos qildi.
Afandi elchi huzuriga borib, imo-ishoralar bilan maqsadini so‘ragan edi, u ikki qo‘lini boshi ustiga shoxga o‘xshatib, o‘z tilida allanarsalar dedi, Afandi sira ham tushunmadi.
— Elchi nima xohlar ekan?— so‘radi vazir.
— Elchining ikki qo‘lini boshi ustiga ko‘targani uning podshoni ko‘rmoqchiman degani,— deb javob berdi Afandi.
Yangi o‘zbekning bolasi institutga kirish uchun tarixdan ijodiy imtihon topshirmoqda.
Imtihon oluvchi:
— Xo‘sh, aytingchi, rus-yapon urushi qaysi mamlakatlar o‘rtasida bo‘lib o‘tgan?
— Variantlar bormi, domla?
3 ta o‘rtoq avtobusga chiqishibdi. Tushadigan bekatiga yetib kelgach, avtobusdan tushib qarashsa uchinchi o‘rtog‘i yo‘q emish. Avtobusda ketib qolibdi deb unga qo‘ng‘iroq qilishibdi. — Qayerdasan do‘stim? - deyishsa, — Avtobusda, birga ketvammizku, - debdi. — Boshingni ko‘tarib qara-chi, - deyishibdi o‘rtoqlari. Haligi bola qarasa, o‘rtoqlari allaqachon tushib ketgan ekan. "Kamroq telefonda o‘yin o‘ynash kerak edi", - deb avtobusdan yugurib tushib ketgan ekan.
Chaqaloq tug‘ilganidan gapirishni boshladi.
Birinchi so‘zi hola ekan, xolasi vafot etibdi.
Keyin tog‘a degan ekan, tog‘asi ham o‘lib qolibdi.
Keyin dada degan ekan qo‘shnisi o‘lib qolibdi.