Doda latifalar

Ofisda ikki og‘ayni suhbatidan:
— Do‘stim bilasanmi, kecha bekatda shunaqangi chiroyli qiz o‘tirgan ekan...! Gap otmoqchi bo‘lib yoniga borsam menga qarab nima qildi degin.
— Xo‘sh, nima qildi?
— O‘rnidan turib "O‘tiring amaki" deb joy bersa bo‘ladimi?!

Rus tilini bilmaydigan ikkita qiz gaplashib turgan ekan. Shunda birinchisi:
— Davay, ruscha gaplashaylik, - debdi.
Gaplashib turishsa, oldilaridan kamaz o‘tib ketibdi.
Shunda birinchisi:
— Fuu, chang-to‘zon prishla, - debdi.
Ikkinchisi:
— Sani so‘zingga kulgim prishla, - debdi.
Birinchisi:
— Kstati, ya vchera tebe pozvandala-pozvandala. Pochemu trubku ne brala? - desa, ikkinchisi:
— A ya golovu stirala, - dermish.

Ayollarning eng yaxshi ko‘rgan narsasi - ...?
5 ta harf. Birinchi va oxirgi harfi “q”.
Ikkinchi harfi “o‘”.
Bu – qo‘shiq.

Bir kuni afandi bir arava o‘tin olib ketayotsa, qo‘shnisi so‘rabdi:
— Nima olib ketyapsiz afandi?
— Beda, - debdi afandi. Qo‘shnisi:
— O‘tin-ku, - desa, afandi:
— Bilsang, nega so‘rayapsan? – degan ekan.

Bo‘yi yetgan yigit adasining kalishini ichiga sabzi solib, “dadam meni tushunib oladigan” degan hayol bilan institutga o‘qishga ketibdi. Kechqurun qaytib kelsa, o‘zini kalishini ichida to‘lov-kontrakt shartnomasi turgan emish.

Hamma bo‘sh ish o‘rinlariga tajribali xodimlarni ishga taklif qilishadi. Tajribasizlarni esa olishmaydi.
Ishlamasang, tajribani qayerdan orttirasan?

Afandi ko‘p qavatli uyning 9-qavatiga ko‘chib o‘tibdi.
Bir kuni balkonda sigaret chekib tursa, pastdan ovoz kelibdi. Qarasa bitta odam "Aka pastga tushing, zarur gapim bor" - debdi.
Lift ishlamayotgan ekan, u pastga tushsa boyagi notanish kishi:
— Aka Ahmat akani uyi qayerda? - debdi.
Afandi ham "Yuring, ko‘rsataman" - deb, 9-etajga olib chiqib, "Ahmad akani uyi 1-etajda" - debdi.

Bir odam yo‘lda ketayotsaa, Afandi chuqur qaziyotgan ekan. Afandini bu ishini ko‘rib, undan "nega chuqur qaziyapsiz? Simyog‘och o‘rnatasizmi?" deb so‘rasa, Afandi:
— Yo‘q, ishga kirmoqchi edim. Rasmga tushib keling deyishdi.
— Rasmga tushishga chuqurni nima aloqasi bor? - desa Afandi:
— Ish joyiga yelkadan tepasini rasmi kerak ekanda, - debdi.
— Ha, nega unda uchta chuqur kavlayapsiz, - desa? Afandi:
— Ish joyidan uchta rasm so‘rashgandi, - deb javob bergan ekan.

Gai xodimi:
— Yaxshi qiz, haydovchilik guvohnomangiz bormi?
— Ha bor.
— Qani bir tekshirib ko‘raylik...
— Iltimos, olib qo‘ymang!
— Nega?
— Chunki guvohnomadagi rasmga juda chiroyli tushgandim-da.

Bir kuni ikki sevishgan dengiz bo‘yida o‘tirishsa, qiz so‘rabdi:
— Sevigilim, nega dengizni suvi ko‘piraveradi?
Yigit javob beribdi:
— Kim biladi? Baliqlar kir yuvsa kerak-da...