Latifa.uz saytida eng ko'p ovoz olgan latifalar ro'yxati.
Erim qafasdagi konoreykalarga don, suvdan tashqari olma, banan, qulupnay, qizil sabzi, qaynatilgan tuxum beradi. Yomg‘ir yoqqanida qafasni issiqqina uyga olib kiradi. Havo yaxshi bo‘lsa qafasni hovlining eng bahavo joyiga iladi.
Shu qushlarga aylanib qolgim kelyapti...!
Choyxonada erkaklar suhbatlashib o‘tirgan ekan, ulardan biri debdi:
— Mana sizlar, maoshingizdan qanchasini xotinga berasizlar?
Birinchi erkak debdi:
— Men atrofimga 2 metrlik aylana chizamanda, pullarimni tyepaga otaman. Aylanani ichiga tushgani meniki, tashqariga tushgan pullar xotinimga bo‘ladi.
Ikkinchi erkak debdi:
— Men atrofimga 3 metrlik aylana chizaman. Pullarimni tepaga otaman. Aylanani ichiga sochilib tushganini xotinim terib oladi, tashqariga tushgan pullarni esa men olaman.
Uchinchi erkak kulib:
— Men hech narsa chizib o‘tirmayman! Pullarni shundoq havoga otaman. Xotinim havoda nechtasini ushlab ulgursa o‘shani oladi. Yerga tushgani hammasi o‘zimniki! - degan ekan.
Rus qiz o‘zbek oilasiga kelin bo‘lib tushibdi.
Oradan ko‘p ham vaqt o‘tmay qaynotasi olamdan o‘tibdi. Azaga kelgan ayollar kelinga “Sabr bersin” deyishsa, kelin ularga “Sizlarni ham yetkazsin” deyayotganmish.
Bir badavlat erkak mashinasida ketayotsa, yo‘l chetidagi chimni yeyayotgan daydi odamni ko‘rib qolibdi. Mashinasidan tushib unga:
— Hoy nima qilyapsan? Nega o‘t yeyapsan? – deb so‘rasa, daydi:
— Nima qilay? Qornim och... Hech bo‘lmasa shu chimni “g‘ajib turay” – debdi.
Boy mashinasini eshigini ochib:
— Chiq! Bugun men sahiyman! Ketdik, bir joyga olib boraman, - debdi.
Kambag‘al daydi mashinaga chiqib, o‘zida yo‘q xursand bo‘lib:
— Hamma odamlar boylarni ziqna, bahil deyishadi. Aslida unaqa emas ekan-ku! – desa, boyvachcha:
— Bugun men juda sahiyman. Hozir seni dalahovlimga olib boraman. U yerdagi chimni o‘rishga anchadan beri vaqtim bo‘lmayotgan edi. Istaganingcha yeyaver! – degan ekan.
O‘g‘li otasiga debdi:
— Ada, nega gorillaning burun teshiklari buncha katta?
Adasi o‘ylanib turib:
— Chunki gorillaning barmoqlari katta-da! – degan ekan.
Bir kuni afandi bir arava o‘tin olib ketayotsa, qo‘shnisi so‘rabdi:
— Nima olib ketyapsiz afandi?
— Beda, - debdi afandi. Qo‘shnisi:
— O‘tin-ku, - desa, afandi:
— Bilsang, nega so‘rayapsan? – degan ekan.
Er:
— Bilasanmi, xotinjon, tuya sakkiz kun ishlab, hech narsa ichmasligi mumkin ekan!?
Xotin:
— Men sakkiz kun ichib, hech qanday ish qilmaydigan tuyani-yam bilaman, - dermish.
Ikki do‘st birga o‘tirsa, biri o‘rnidan turib ketayotgan ekan, narigisi so‘rabdi:
— Qayoqqa ketyapsan?
— Suv ichib kelaman.
— Meni o‘rnimga ham ichib kel, - debdi sherigi.
Bir payt suv ichib kelayotgan do‘sti xursand, kulib kelayotganmish.
— Nega kulyapsan? – desa, do‘sti:
— O‘zim uchun toza suv ichib, sen uchun loy suvdan ichdim, - debdi.
Otaning qiziga nasihati:
Endi ona qizim, har bir qiz o‘z uyiga “Gosti”. Shunday ekan, senga aytar Statusim: Kuyovnikiga borganda “Zakrыt Profil” bo‘lgin. Eringdan boshqasi senga “Drujba” tashlasa “Ignor” qilgin. Eringni kamchiliklarini hamisha “Nevidim” qilgin. Qaynota-Qaynonangni har bir gapiga “Klass” deb turgin. Uydagi “Soobsheniya” va “Obsujdeniya”larni bizga va ko‘chadagilarga aslo “Kopiravat” qila ko‘rmagin. Qo‘shnilaringga “Druzya” bo‘l! Qaynopalaring bilan esa “Luchshiye Druzya” bo‘lgin. Har bir qiliqlariga “Layk” deb turgin. Ularning “Chyornыy spiska»siga aslo tusha ko‘rmagin!