Latifa.uz saytida eng ko'p ovoz olgan latifalar ro'yxati.
Er xotin kafeda o‘tirsa. Bir qiz kelib erini bir o‘pib, qaytib ketibdi.
Xotinini jahli chiqib:
— Kim u? Nimaga sizni o‘padi?, - desa
— O‘chir ovozingni! Hali unga ham tushuntirishim kerak seni kimligingni
Muallim o‘quvchilarga "Agar men firma direktori bo‘lsam" mavzusida insho yozishni tayinladi. Hamma insho yozish bilan band. Faqat Boltavoy jimgina o‘tirardi. Muallim Boltavoyga qarab:
— Sen nega insho yozmayapsan?
— Kotibamni kutayapman, - dermish.
Xotin kitob o‘qib o‘tirib javrayapti:
— Voy, sharmanda, voy dahshat!
— Ha, xotin, tinchlikmi?
— Dadasi, to‘yimizdan oldin siz menga atab yozgan she’rlaringizni qandaydir Ahad Qayum kitob qilib chiqaribdi.
— Azizam, bizning o‘g‘limiz judayam iste’dodli ekan! Bugun stolni ustiga pashshani rasmini chizgan edi, uni o‘ldiraman deb qo‘llarim rosa og‘rib ketdi!
— Bu hali xolva, kecha hammomda u chizgan ilonni ko‘rib, u chizgan eshikka qochganimni etmaysanmi?
Agar yuqorida yashaydigan qo‘shningizni uyidan suv toshib ketsa, janjallashib yurmang! Qo‘ni-qo‘shni bilan orani buzmagan yaxshi! Qo‘ni-qo‘shnichilik axir...! Siz ham sekingina pastdagi qo‘shningizni uyiga suv toshirib yuboring va bu suv sizga tepadan tushganini ayting. Ular o‘zaro hal qilib olishadi..
Avtohalokatga uchragan yigitni so‘roq qilishmoqda: — Nima uchun mast holda mashinani boshqardingiz? — Otam ruxsat berdi! — Otangiz ham sizga o‘xshab qonun-qoidani bilmaydimi? — Yo‘q, otam ham menga o‘xshab mast edi!
Imtihonga kirgan talaba bitta biletni olib joyiga qo‘yib qo‘yibdi. Uzoqdan kuzatib o‘tirgan professor: — Nega biletni qaytarib qo‘ydingiz? - debdi. — 13 bilet ekan. Men irimchiman. Xosiyatsiz raqamli biletni olishni istamadim, - debdi talaba. — Irim-sirimlarga ishonmang. 13-raqamli biletga ham yaxshi javob bersa bo‘ladi, - debdi professor va talabaga 13-biletni topib beribdi. Talaba hamma savollarga javob berib "5" baho olib tashqariga chiqibdi. Do‘stlari "Nima bo‘ldi?" deyishsa, talaba: — O‘zi faqat 13-biletni savollariga tayyorlangan edim. Professorni laqqa tushirdim, - degan ekan.
Millionlab insonlar telefon naushniklarini simi chigal bo‘laverishidan aziyat chekadi. Shuning uchun Apple kompaniyasi simsiz naushniklarni ishlab chiqardi. Endi ular chigal bo‘lmaydi, shunchaki yo‘qolib qoladi.