Doda latifalar

Bir ayol Feysbukida "Erim - mening vatanimdir" degan yozuvni barcha bilan bo‘lishibdi.
Do‘stlari ichida barcha ayollardan "Vatan - barchamizniki!" degan izoh qoldirishibdi.

— O‘g‘lim, maktabda baholaring nechi bo‘lyapti?
— Oyijon, muhimi sog‘-salomat yuribman-ku!

Hozircha kreditlarni to‘lamay turing! Bankdan qo‘ng‘iroq qilishsa, telefon go‘shagiga qattiq yo‘taling.

Boshliq majlis o‘tkazayotsa, kimdir aksirib yuboribdi.
Hamma niqobda, boshliq kim aksirganini bilolmasdan:
— Kim aksirdi? - debdi.
Hamma jim!
— Kim aksirdi deyapman?!
Yana hamma jim!
Bir xodim sekin o‘rnidan turib "Tamomman endi" deb "Men, aksirdim boshliq" desa, boshliq:
— Sog‘ bo‘ling! - degan ekan.

Bir kishi safarga ketayotib, yo‘lda Koronavirusni uchratib qolibdi.
— Qayerga ketayapsan? - so‘rabdi virus.
— Ziyoratga. Sen-chi?
— Sening yurtingga, besh ming kishini olib ketishga, — debdi virus.
Har kim o‘z yo‘lida ketibdi. Yil o‘tib, ular yana o‘sha joyda ko‘rishib qolishibdi.
— Sen aldading, - debdi virusga haligi kishi, — Besh ming kishini olib ketaman deb, yurtimdan ellik besh ming odamni olib ketibsan!
— Yo‘q, Men rostdan ham besh ming kishini olib ketdim. Qolgani vahimadan, ayrimlari oziq-ovqatga bo‘kib o‘lishdi, - debdi virus.

Ofisda ikki og‘ayni suhbatidan:
— Do‘stim bilasanmi, kecha bekatda shunaqangi chiroyli qiz o‘tirgan ekan...! Gap otmoqchi bo‘lib yoniga borsam menga qarab nima qildi degin.
— Xo‘sh, nima qildi?
— O‘rnidan turib "O‘tiring amaki" deb joy bersa bo‘ladimi?!

Rus tilini bilmaydigan ikkita qiz gaplashib turgan ekan. Shunda birinchisi:
— Davay, ruscha gaplashaylik, - debdi.
Gaplashib turishsa, oldilaridan kamaz o‘tib ketibdi.
Shunda birinchisi:
— Fuu, chang-to‘zon prishla, - debdi.
Ikkinchisi:
— Sani so‘zingga kulgim prishla, - debdi.
Birinchisi:
— Kstati, ya vchera tebe pozvandala-pozvandala. Pochemu trubku ne brala? - desa, ikkinchisi:
— A ya golovu stirala, - dermish.

Hamma bo‘sh ish o‘rinlariga tajribali xodimlarni ishga taklif qilishadi. Tajribasizlarni esa olishmaydi.
Ishlamasang, tajribani qayerdan orttirasan?

Bir kuni ikki sevishgan dengiz bo‘yida o‘tirishsa, qiz so‘rabdi:
— Sevigilim, nega dengizni suvi ko‘piraveradi?
Yigit javob beribdi:
— Kim biladi? Baliqlar kir yuvsa kerak-da...

Bemorni yotgan palataga kirgan vrach, unga qarab:
— Siz o‘lim to‘shagida yotibsiz... - desa, bemor sakrab o‘rnidan turib:
— Darrov to‘shagimni almashtiringlar, - dermish.