Doda latifalar

Fermada yashaydigan sigir buqani sevib qolibdi.
Buqaga chiroyli ko‘rinish uchun ozaman deb ovqat yemay qo‘yibdi.
Buni ko‘rgan ferma egasi sigirni qassobga topshirib yuborgan ekan.

Ikkita qo‘y ko‘chada uchrashib qolib:
— Baa-a, - debdi bittasi.
— Maa-a, - debdi ikkinchisi.
Shunda birinchisi ikkinchi qo‘yga qarab:
— Ingliz tilini o‘rganyapsanmi? - degan ekan.

Kirish imtihonlari, oxirgi bosqich.
— Bilet torting!
— Savol: Korrupsiyaga qarshi kurash agentligi...
— Xo‘sh javob bormi?
— Tayyorlanmagan edim...
— Mayli boraqoling, bahoingiz 4!
— Rahmat ada!

— Salom Barnoxon!
— Kim bu?
— Siz meni tanimaysiz. Lekin men sizni taniyman. Hozir sizga 2 ta yomon yangilik aytmoqchiman.
Bizlarni erimiz uchinchi xotinga uylanib olibdi.

— Men chekishni tashladim!
— Yanami?

Bir hokim xalqni oldiga chiqib:
— Hurmatli hamshaharlar! Bundan bir yil oldin ham yaxshi yashaganmiz, hozir ham yaxshi yashayapmiz, bundan keyin ham yaxshi yashaymiz! – desa, xalq orasida:
— Bizlar-chi??? – degan savol bo‘pti.

Ikkita o‘zbek Fransiyaga borib restoranga kiribdi.
— Fransuz tilini bilmaymiz-ku, qanday qilib buyurtma beramiz? - debdi biri.
Sherigi:
— Shoshmay tur! Hozir boplayman, - debdi va ofitsiantni chaqirib:
— Lya salat, lya tovuq, lya non, lya choy, - debdi. Ofitsiant tez fursatda hamma aytgan narsalarni olib kelib beribdi.
— Ko‘rdingmi! Men bo‘lmasam nima qilarding?! - debdi buyurtma bergan o‘zbek sherigiga va ofitsiantga:
— Lya rahmat! - desa, ofitsiant:
— Lya osh bo‘lsin, aka! - degan ekan.

Ijtimoiy tarmoqlarning eng yaxshilari:
1. Telegram.
2. Instagram.
3. Feysbuk.
4. Mahalladagi xotinlar.

Manzilga yetib kelgan yigit haydovchidan so‘rabdi:
— Nechi pul bo‘ladi?
— 4000, - debdi haydovchi.
Yigit 2000 beribdi.
— Nega 2000? Qolgan yarmi-chi? - desa, yigit:
— Mashinada siz ham keldingiz-ku! - dermish.