Doda latifalar

Afandi ko‘p qavatli uyning 9-qavatiga ko‘chib o‘tibdi.
Bir kuni balkonda sigaret chekib tursa, pastdan ovoz kelibdi. Qarasa bitta odam "Aka pastga tushing, zarur gapim bor" - debdi.
Lift ishlamayotgan ekan, u pastga tushsa boyagi notanish kishi:
— Aka Ahmat akani uyi qayerda? - debdi.
Afandi ham "Yuring, ko‘rsataman" - deb, 9-etajga olib chiqib, "Ahmad akani uyi 1-etajda" - debdi.

Kiyim do‘konida er-xotin aylanib yurishgan ekan, eri birdan xotiniga do‘q urib:
— Anavi erkak nega senga ko‘z uzmay qarayapti??? - debdi.
Xotini:
— E adasi, bu maniken-ku! - desa, eri:
— Hali uni ismini-yam bilasanmi?! - dermish.

Sms suhbati:
— Salom yaxshi qiz!
— Salom!
— Tanishsak bo‘ladimi? Ismingiz nima?
— Menikimi? Shohida.
— Meniki esa bargida.

Bir kuni afandi bitta rus va kareys bilan garov o‘ynabdi. "Kim muzlatgichni ichida ko‘p turadi" debdi.
Uchchalasi uchta muzlatkichga kirib olishibdi. Oradan yarim soat o‘tgach, koreys chiqib kelibdi.
Bir soatdan keyin rus qaltirab chiqibdi.
Afandi oradan 3 soat o‘tsa ham jimmush.
Sekin rus muzlatkichni eshigini ochib qarasa, afandi:
— Eshikni yop! Sovuq kiryapti, - debdi.

Bitta domla aytgan ekan:
— O‘qib, talabalikni oltin davrini topdingmi?
— Yo‘q, - javob beribdi talaba.
— Nonga puling qolmagan payt - o‘sha oltin davr bo‘ladi. Qolgani esdan chiqib ketadi, - degan ekan o‘qituvchi.

Uch yigit harbiy bilim yurtini bitirib, xizmatga kelishibdi. Polkovnikni yoniga kirib debdi:
— O‘rtoq polkovnik xizmatni davom ettirishimiz uchun ixtiyoringizga keldik. Polkovnik uchchalasiga qarab:
— Mayli, sizlarga uchta savol beraman. 2 soat ichida javobini aytasizlar. Birinchisi - ayollarga munasabatiz? Ikkinchisi - ichkilikka munosabatingiz. Uchinchisi - xizmatga munosabatingiz. Shu savollarga javob kutaman, - deb chiqarvoribdi.
2 soatdan keyin birinchisi kirib:
— O‘rtoq polkovnik, men ayolimga xiyonat qilmayman, ichkilik ichmayman, xizmat qilishni xohlayman, - debdi.
Polkovnik:
— Barakalla! Sen rota komandiri bo‘lasan, - debdi. Ikkinchisi kirib:
— O‘rtoq polkovnik men ichaman, xotinimga xiyonat qilaman, xizmat qilishni xohlamayman, - debdi. Polkovnik:
— Ha mayli, sen omborda ishlaysan, - debdi. Uchinchisi kirib:
— O‘rtoq polkovnik, aroq va qiz mashinada... Yana qanday xizmat buyurasiz, - debdi. Polkovnik bolani ko‘ziga qarab turib, telfonini olib, qo‘ng‘iroq qilibdi.
— Allo, xotin bugun uyga kechroq boraman. Yangi yordamchimga ob’ektlarni ko‘rsatib chiqaman, - dermish.

Uchta erkak 8 mart kuni mazza qilib maishat qilib o‘tirishibdi-da, kechasi uyiga sovg‘alarsiz qaytishibdi.
Ertasiga ko‘rishib, bir-biridan hol-ahvol so‘rashibdi. Birinchisi:
— Kecha men uyga borsam, xotinim janjal ko‘tardi.
Ikkinchisi:
— Meni xotinim hafa bo‘lib, arazlab gaplashmadi.
Uchinchisi:
— Meni xotinim esa yedirib, ichirib qornimni to‘ydirdi.
— Nima??? Nimalar yeb-ichding?
Uchinchi erkak xo‘rsinib debdi:
— Kaltak yeb, zahar ichdim...!

Talaba adabiyotdan imtihon topshiryapti. Yozuvchini tug‘ilgan yili esida-ku, vafot etgan yili esida yo‘q ekan. O‘qituvchi:
— Yozuvchini vafot etgan yilini ayting!
Talaba:
— Uni o‘ldi deyishga tilim bormaydi. U men uchun doim tirik!

Tarixiy obidalarni qazish ishlari vaqtida tajribali arxeologlar tajribasiz arxeologlar suyaklariga duch kelishdi.

— Adam meni kecha ogohlantirib, — Agar yana yarim tungacha kompyuterda o‘tirsang, klaviaturaga burningni ishqalab tashlayman, - degan edilar.
Yana kompyuterda o‘tiribman. Agar hozir ko‘rib qolsalar, odypyshpzl1sh4shlvyqlmsatsfusa