Latifa.uz saytida eng ko'p ovoz olgan latifalar ro'yxati.
— Ha, Eshmat globus ko‘tarib olibsan?
— Bayramga xotinimga sovg‘a qilmoqchiman.
— Xotining o‘qituvchi emasdiku.
— O‘qituvchi bo‘lmasa ham mening davrimda bir dunyoni ko‘rsin.
Domla talabalarga dedi:
— Kim o‘zini ahmoqman desa o‘rnidan tursin.
Hech kim o‘rnidan turmaganidan keyin ancha vaqt o‘tib Turdiyev sekin turdi.
Shunda domla:
— Ha Turdiyev, tik turding, ahmoqmisan?
— Yo‘q domla. Bitta o‘zingiz turganingiz uchun menga noqulay bo‘ldi...
Bola kutubxonaga kirib so‘radi:
— Kechirasiz Nasaf chempionligi haqida kitob bormi?
Kutubxonachi javob qildi:
— Fantastik kitoblar 5-qatorda,
Bola so‘radi:
— A Neftchi chempion bo‘lgani haqidagi kitob bormi?
Kutubxonachi javob qildi:
— Tarixiy kitoblar 2-qatorda!
Bir kishi, boshqa shahardagi oshnasinikiga 2-3 kunga mehmonga kelibdi. Oshni yeb bo‘lishgach, xaligi mehmonni juda qovun yegisi kelibdi. Mezbon ham negadir qovun olib chiqmabdi. Toqati toq bo‘lgan mehmon uy egasiga debdi:
— Oshna, qovun yegandan keyin qayerda yotaman?
Xotin ko‘chada eri bilan urishib qolibdi: — Sizni ko‘zingiz “o‘ynoqi”, qizlarga “suyagingiz yo‘q”, ayollarga xushomad qilishga ustasiz, bir pasta ko‘nglini topib, tanishib olasiz, ... deb tursa, o‘tib ketayotgan bir ayol to‘xtab: — Reklama qilyapsizmi bu erkakni? Narxi qancha ekan? – dermish.
Yangi sotilayotgan telefon ekranlarida ham sigaret qutilaridek yozuvlar bo‘lishi kerak: "Ko‘zingni nuridan ayrilasan!", "Bosh miya saratoniga olib keladi", "Rulda bo‘lsang, avariyaga uchraysan", "Xotining bilan janjallashib qolasan" va hakozo.
Do‘kon sotuvchisini yoniga har kuni bir kuchuk og‘zida xalta ko‘tarib kirarkan. Sotuvchi xaltani ichidan pulni olib, xaltaga nonni solib, yana kuchukka bersa, kuchuk uyga non olib ketarkan. Kunlarni birida sotuvchi kuchukni orqasidan borib, qayerda yashashini ko‘rmoqchi bo‘libdi. kuchuk bir eshikni qo‘ng‘irog‘ini chalsa, ichkaridan egasi chiqib kuchukni ushirayotganmish. Sotuvchi: — Nega urishasiz? Axir bu eng aqlli kuchuk-ku! - desa, egasi: — Men bunga nechi martta aytganman, meni ovora qilmasdan uyni kalitini olib yurgin deb... - debdi.
Barzangi yigit qo‘lida tayoq bilan sartaroshxonaga kirib debdi: — Sochimni zo‘r qilib kaltalatib qo‘y! Agar sal noto‘g‘ri kesadigan bo‘lsang, shu tayog‘imdan kaltak yeysan! Sartarosh yigitni sochini chiroyli qilib kaltalatib qo‘yibdi. — Qo‘rqib ketmadingmi tayog‘imni ko‘rib, - desa, sartarosh: — Nega qo‘rqaman?! Tomog‘ingni yonida meni ustaram turganda! - degan ekan.