Yarim kechada afandi ko‘chada izg‘ib yursa, mirshab to‘xtatib: — Nima qilib yuribsiz? - debdi. Afandi: — Uyqim qochib ketdi, qidirib yuribman, - dermish.
2050 yilda Rossiyada o‘zbek bolasi onasidan so‘rabdi: — Onajon, bu yerda xaqiqatdan ham ruslar yashaganmi? - desa, onasi: — Eh bolam... Bunga uzoq yillar bo‘lgan... - debdi.
Er-xotin uyiga yangi lyustra sotib olibdi.
Eri tepaga chiqib, lyustrani o‘rnatayotib xotinidan so‘rabdi:
— Chiroqni o‘chirdingmi ishqilib?!
— Ha, - debdi xotini.
Bir payt xotinini qitmirligi tutib, eri bilan hazillashgisi kelib qolibdi. Sekin erini tovonini tirnoqlari bilan qitiqlasa, eri:
— Voy dod! – deb pastga sakrab tushibdi.
Xotini:
— Ha, nima bo‘ldi adasi? – desa, eri:
— Ming la’nat! Chiroqni o‘chirdim deganding, tok urib tovonimgacha zirillatvardi! – dermish.
Bir odam samolyotda uchib ketayotib, hadeb xudoga iltijo qilarmish:
“Eson-omon yetib olaylik!” deb.
Yonidagi yo‘lovchi undan so‘rabdi:
— Hoy birodar, buncha havotir olasiz? Samolyot yangi, ishonchli! Hech narsa bo‘lmaydi, qo‘rqmang!
Haligi odam:
— Nuqul men o‘tirgan mashina buzilib qoladi, velosipedni baloni teshiladi, poyezd ham halokatli to‘xtaydi, - deb tursa birdan styuardessa e’lon qilibdi:
— Hurmatli yo‘lovchilar! Samolyotimiz tinch okeaniga qulamoqda! Biz sizlarga bittadan qutqaruv jeleti va xushtak beramiz. Xushtakni chalsangiz, sizlarga akula hujum qilmaydi!
Shunda haligi odam yig‘lamsirab debdi:
— Hozir menga berishgan xushtak yo chalinmaydigan bo‘ladi, yo bo‘lmasa menga uchragan akula kar bo‘lib chiqadi… Qutqaruv jeletini razmeri topilmasa ham kerak!
Yangi ochilgan shifoxonada e’lon yozib qo‘yilibdi:
“Biz sizning dardingizga shifo topsak, sizdan 50 ming so‘m bo‘ladi. Agar topa olmasak, bizning shifokorlarimiz sizga 100 ming so‘m pul berishadi. Kafolatlangan!”.
E’lonni o‘qigan yigit shifokorlarni laqillatish maqsadida kirib debdi:
— Doktor, meni ta’m bilish qobiliyatim yo‘qoldi.
— Mana bu damlamani ichib ko‘ring bemor.
— Iye, nimalar qilyapsiz?! Axir bu benzin ekan-ku!
— Ana, ta’m bilishingiz o‘zingizga qaytdi. 50 ming to‘lab keting.
Ertasi kuni “bemor” yigit yana kelib, “Bugun doktorni chuv tushiraman” deb:
— Doktor, meni ko‘zlarim ko‘rmayapti.
— Kechirasiz bemor! Bu dardingizni davolay olmasak kerak. Mana sizga 100 ming so‘m, shifoxona hisobidan.
— Shoshmang! Bu yerda 50 ming so‘m-ku!
— Tabriklayman! Ko‘rish qobiliyatingiz qaytdi! Pulni qaytarib bering-da, kassamizga 50 ming to‘lab ketishni unutmang!
Choyxonada erkaklar suhbatlashib o‘tirgan ekan, ulardan biri debdi:
— Mana sizlar, maoshingizdan qanchasini xotinga berasizlar?
Birinchi erkak debdi:
— Men atrofimga 2 metrlik aylana chizamanda, pullarimni tyepaga otaman. Aylanani ichiga tushgani meniki, tashqariga tushgan pullar xotinimga bo‘ladi.
Ikkinchi erkak debdi:
— Men atrofimga 3 metrlik aylana chizaman. Pullarimni tepaga otaman. Aylanani ichiga sochilib tushganini xotinim terib oladi, tashqariga tushgan pullarni esa men olaman.
Uchinchi erkak kulib:
— Men hech narsa chizib o‘tirmayman! Pullarni shundoq havoga otaman. Xotinim havoda nechtasini ushlab ulgursa o‘shani oladi. Yerga tushgani hammasi o‘zimniki! - degan ekan.
Urush yillari ekan. Ikki askarimizni nemislar ushlab olib, qiynamoqchi bo‘lishibdi.
Nemislar birinchi askarni ichkariga olib kirib so‘rashibdi:
— Elektr stulda qiynaylikmi yoki urib qiynaylikmi? – deyishsa, askar:
— Stulga o‘tiraqolay. Urganingizga chiday olmayman, - debdi.
Nemislar askarimizni stulga o‘tqazishsa, bir payt tok o‘chib qolibdi.
— Omading bor ekan. Mayli, bor ketaver! Keyingisini olib kiringlar! - dyeyishibdi.
Askar tashqariga chiqib, sherigiga shosha-pisha: “Tok yo‘q, tok yo‘q” deyishga ulguribdi.
Nemislar ikkinchi askarni olib kirib, “Elektr stulga o‘tirasanmi yoki kaltak yeysanmi?” deyishsa, sodda askar “Tok yo‘q-ku!” – degan ekan.
Er-xotin do‘kon aylanib yursa, xotini erini yoniga chaqirib:
— Manavi ko‘ylakni qarang, chiroyli ekan-a? – debdi:
Eri:
— Ha, chiroyli ekan. Nega ko‘ylakka telefon raqamini yopishtirib qo‘yishgan? – deb so‘rabdi.
Xotini:
— Bu telefon raqami emas, ko‘ylakni narxi... – dermish.