Doda latifalar

Qorong‘u ko‘chadan ketayotgan afandini ko‘ziga bir sharpa ko‘rinibdi.
Afandi uni "Odammikan?! It bo‘lsa-chi?!" deb o‘ylabdi-da "Itmisan?" deb baqirgan ekan.

Eshik taqillabdi. Ayol ochsa, bir yigit turganmish.
— Balkon oynalariga panjara o‘rnatmoqchidim, - debdi yigit.
Ayol:
— Axir bizni uyimizda usta ishlayapti, - desa, yigit:
— O‘sha menman! Balkondan pastga tushib ketdim, - debdi.

— Koronavirusni aniqlaydigan test juda-yam tez ishlar ekanmi?
— Ha, 1 soniyada bizni klinikamiz sizda koronavirus bor-yo‘qligini aniqlab beradi.
— Qanday qilib buncha tez?
— Avval o‘zimiz uni sizga yuqtirib, keyin "100% bor!" deb aytaveramiz bemalol.

Bir odam ovoz bilan boshqariladigan mashina sotib olibdi.
"Voy dod!" desa to‘xtar ekan. "Hayriyat" desa yurarkan.
Bir kun mashinada ketayotsa, jar tomonga kelib qolibdi.
"Voy dod" desa, mashinasi to‘xtabdi. Shu payt "Hayriyat" degan ekan.

"Kim millioner bo‘lishni xohlaydi?" o‘yinida boshlovchi ishtirokchiga debdi:
— Siz "do‘stimga qo‘ng‘iroq" imkoniyatidan foydalanishingiz mumkin.
— Mayli. Men Amerikadagi do‘stimga qo‘ng‘iroq qilmoqchiman, - debdi ishtirokchi.
— Amerika? Xorijga qo‘ng‘iroq qilamizmi? Axir...!? Mayli qo‘ng‘iroq qilamiz, - debdi boshlovchi.
Ishtirokchi amerikalik do‘sti bilan rosa 1 daqiqa hol-ahvol so‘rab, oilasi, ishlari to‘g‘risida gaplashib olibdi.
Boshlovchi:
— Nega do‘stingizdan savolning javobini so‘ramadingiz? - desa, ishtirokchi:
— Bu savolni javobini o‘zim ham bilaman. Shunchaki, do‘stimga qo‘ng‘iroq qilish uchun pulim yo‘q edi, - degan ekan.

Advokatdan so‘rashibdi:
— Sizni xizmatingizdan foydalanish qancha turadi?
— 3 ta savolga javob berishim 1 million so‘m.
— Shunchalik qimmatmi?
— Ha. Uchinchi savolingizni ham bering-da kassaga o‘tavering.

Yigit:
— Men sizni sevaman.
Qiz:
— Kim bu?
Yigit yana:
— Men sizni juda qattiq sevaman.
Qiz:
— Kim bu deyapman? Menga bunday SMSlarni yozmang!
Yigit:
— Meni ikkita Kaptivam bor.
Qiz:
— Men ham sizni sevaman.
Yigit:
— Kim bu?

Fil yo‘lda ketayotsa, yo‘lidan chumoli chiqib qolibdi.
— Qayerdan kelyapsan chumoli? – debdi.
— Tog‘dan, - debdi chumoli.
— Tog‘da o‘t-o‘lanlar qanaqa ekan? – so‘rabdi fil undan.
— Tizza bo‘yi, - debdi chumoli.

18 yoshga to‘lgan o‘g‘li bilan otasi gaplashib o‘tirib debdi:
— Eh o‘g‘lim, bizni davrimizda ham telegram, feysbuk, instagramlaring bo‘lgan.
— Qanaqasiga?
— Yo‘laklarga ismimizni yozib ketardik, ertasi kuni yonida izohlar qoldirib ketishardi...