Onasi ishga ketayotib:
— Sigirlarga qarab o‘tiringlar, - debdi bolalariga.
Ishdan qaytsa, sigirlar och qolgan emish.
— Nega sigirga hashak bermadinglar? - desa, bolalari:
— Unaqa deb aytmadingiz. Qarab o‘tirdik faqat, - deyishibdi.
Bir kishi o‘g‘li 18 yoshga kirguncha aliment to‘labdi.
O‘g‘li 18 ga to‘lgan kuni uni chaqirib:
— Borib onangga ayt! Endi aliment olib bo‘pti mendan. Shu gapni eshitganda onangni yuzini bir ko‘ray! - debdi.
Bola onasiga kelib gapni aytibdi. Onasi:
— Hozir borib adangga ayt. 18 yildan beri aniq o‘zini o‘g‘liga aliment to‘labdimikan? Shu gapni aytganingda adangni yuzini bir ko‘ray! - degan ekan.
Ikkita sinfdosh:
— Chanqadim, suv ichib kelaman.
— Men uchun ham ichib kel.
Birozdan so‘ng:
— Ichib keldim.
— Men uchun ham ichdingmi?
— O‘zim uchun suvni jo‘mrakdan, sen uchun ariqdan ichdim...
— Hello baby.
— Hello
— Where are you from?
— I'm from Uzbekistan. And where are you from?
— America.
— Aldama.
— Hudo haqqi!
Ronaldo bolalariga "Ishga ketyapman" deb, futbol o‘ynagani borarkan.
— Ada, menga ham birorta yigit uylanarmikin?
— Uylanadi qizim! Onangdan so‘ra-chi, sehr-jodu qilib yigitlarni boshni aylantiradigan duo esidan chiqib ketmaganmikin?!
— Oyim shunday duoni biladilarmi?
— Albatta biladi. Shu paytgacha qanaqa qilib unga uylanganimni tushunolmayapman-ku!
— Bundan buyon o‘g‘limizni tarbiyasi bilan o‘zim shug‘ullanaman,
— Juda yaxshi. Faqat o‘g‘limiz emas, qizimiz bor.
Meni ukam pul topishni yo‘lini kattalardan yaxshiroq biladi.
Maktabda olgan har bir "5" bahosiga adam 10 ming so‘mdan beradilar.
O‘sha 10 ming so‘mdan 5 mingini ustoziga bersa, ustozi yana "5" baho qo‘yib beradi.
Qarabsizki, ukamga o‘z-o‘zidan pul kelib turaveradi-da!
Fizika darsida o‘qituvchi:
— Ahmedov, ayt-chi! Yorug‘likni tezligi kattami yoki tovushnimi?
— Tovushni tezroq...
— Nega?
— Oylik maoshim oshadi deb adam aytganlariga ancha bo‘ldi, lekin haliyam yorug‘lik chiqmadi.
Qari otaxon nabirasi bilan ovqatlanib o‘tirishsa, nabirasi gapirmoqchi bo‘lib, endi og‘iz ochsa, bobosi:
— Ovqat paytida gapirib bo‘lmaydi, - deb tanbeh beribdi.
Ovqatlanib bo‘lgach, "Endi gapir" desa, nabirasi:
— Boya ovqatingizga pashsha tushib qolgandi, shuni aytmoqchi edim, - dermish.