Самолётда узоқ йўлга чиққан йўловчилар орасида битта гапдон киши учраб қолибди.
Ҳамма жим кетаётса, ҳар битта йўловчига савол бериб гапира бошлабди:
— Сиз қаерларда бўлгансиз?
— Америкада.
— Мен ҳам у ерда бўлганман. Ажойиб юрт...
— Сиз қаерда бўлгансиз?
— Гавай оролларида.
Шунда ҳалиги киши яна мақтаниб кетибди:
— Ҳа мен Гавай оролларида дам олганман, - деб роса мақтанибди.
Қараса учинчи йўловчи томонга бурилиб, энди гапира бошлаган экан, у одам ҳам жаҳли чиқиб:
— Мен онамни қорнида бўлганман фақат, - деса, гапдон одам:
— О, мен ҳам у ерда 9 ой бўлганман, - дермиш.
#Бошқалар
9
Дўконда:
— Салом, бир кило сут беринг.
— Кесиб берайликми ё қоғозга ўрабми?
#Дўкон-бозор #Калтафаҳмлар
9
Иккита қашшоқ дайди аҳлатхонада ўтиришибди.Бири:
— Эшитдингми? Мамлакатда кризис бошланибди.
— Йўқ эшитмадим. Кризис ўзи нима у?
— Кризис бу... масалан сени бой одамлардан танишинг борми?
— Йўқ!
— Энди бўлади!
#Бошқалар #Танишув
14
Котиба бошлиқнинг хонасига кириб унга:
— Бугундан бошлаб мени ойлигим кўтарилади. Ҳафтада 4 кун дам оламан.
— Буни сенга ким айтди?
— Гинеколог билан адвокат айтди!
#Ишхона #Бошлиқлар
8
Бемор шифокорга мурожаат қилди:
— Мен тобора эшитиш қобилиятимни йўқотаяпман, сўнгги пайтда ҳатто ўз йўталимни ҳам эшита олмаяпман.
Шифокор унга дорилар рўйхатини ёзиб узатди ва деди:
— Мана шу дориларни кунига уч маҳал ичинг...
— Кейин яхши эшитадиган бўламанми?
— Йўқ, қаттиқроқ йўталасиз.
#Шифокорлар #Беморлар #Лоф-ёлғон
10
Бир куни афанди манти егиси келиб, ошхонадан манти харид қилиб, энди емоқчи бўлиб тишлаган экан, иссиқ манти лабларини куйдирибди. Мантини олиб деворга отибди ва сўка бошлабди:
— Лаънати, лабимни куйдирдинг, - дебди. Манти тугилган жойидан очилиб кетибди. Афанди дарғазаб бўлиб:
— Лабимни куйдириб, яна кулади бу! - деса, мантини ёғи оқибди. Афанди:
— Сўксам йиғлайди яна, - дермиш.
#Афанди #Афанди #Овқатланиш #Лоф-ёлғон
10
— Нимага кеч қолдинг?
— Эрталаб 6:00 да уйғонгандим. Кейин кўзим сал илинибди-да...
#Қисқа #Бошқалар
7
Йигит билан қиз учрашув белгилашибди. Йигит қизни росса кутибди. Қиз келмабди. Охири уйига қайтиб кетибди. Эртаси куни қиз йигитга қўнғироқ қилиб, гапи борлигини айтибди. Қиз йигит билан учрашибди-ю, кеча ҳинд киноси кўрганини, шунинг учун учрашувга кела олмаганини тушунтирибди.
Кейин қиз йигитга:
— Бирор кафега кирайлик, кинони гапириб бераман, - дебди.
Бир кафега кириб ўтириб, қиз кинони гапириб бера бошлабди. Бир ярим соат тинмай гапириб бўлиб:
— Мана, кинони 1-қисми тугади. Ҳозир бир сув ичиб олай, 2-қисмини гапириб бераман, - деса, йигит:
— Майли, фақат кинодаги ашула айтиб, рақсга тушган жойларини ўтказиб юборгин. Шунча одам олдида уялиб кетябман, - деган экан.
#Аёллар #Эркаклар #Севишганлар #Учрашув #Лоф-ёлғон #Кафе-ресторан
20
Болакай мактабдан келиб дадасидан сўради:
— Дада,сиз ҳам муаллимани севиб қолганмисиз?
— Ҳа!
— Кейин-чи, кейин нима бўлган?
— Кейинми? Кейин ойинг сени бошқа мактабга ўтказиб қўйган!
#Эр-хотин #Болалар #Ота-она #Эркаклар #Оила
19
— Адаси, кеча соат бешдан кейин овқат еб, парҳезимни буздим. Илтимос, менга танбеҳ берсангиз, бошқа бундай иш қилмай!
— Менга деса, уятдан ерга кириб кетмайсанми хотин?!
#Эр-хотин #Аёллар #Эркаклар #Овқатланиш #Ўзбекона #Оила
6

Latifa.uz лойиҳаси ҳақида

Latifa.uz - ҳар куни янги ва сара ичакузди латифалар, ҳангомаларни тақдим қиламиз. Турли мавзуларда энг зўр латифалар: эр-хотин, севишганлар, дўстлар, ишхона, бозор, ҳайдовчилар, ўқитувчилар, шифокорлар, 8 март, янги йил, футбол, афанди ва яна кўплаб мавзуларда латифалар биринчи бўлиб бизнинг сайтимизда чиқади. Вақтингиз мароқли ўтади, дўстлар давраси, чойхона ва гапларда бизнинг латифаларни айтиб даврани бемалол қиздира оласиз. Долзарб мавзуларда кулгули расмлар, юморга бой диалоглар ҳам сизни мутлақо бефарқ қолдирмайди.

Ижтимоий тармоқларда тарқалган латифаларнинг аксарияти айнан Latifa.uz сайтининг канал ва саҳифаларидан олинади. Телеграм, Инстаграм, Фейсбук, Твиттерда бизнинг латифалар орқали одамлар бир-бирига ҳуш кайфият улашадилар. Шу билан бирга сайтимиз одамларни кайфиятини кўтарган ҳолда ёшларнинг саводхонлик даражасини ошириш, сифатли матнлар билан уларни кўпроқ мутоалаа қилишга қизиқтириш. Биз интернетда секс, порно, зўравонлик ҳамда 18+ матнларни тарқалишига мутлақ қаршимиз. Белдан пастга тушмаган самимий юмор билан одамларнинг ҳордиғини мазмунли ўтишига ҳисса қўшиш учун астойдил ҳаракатдамиз, ёшлар орасида эротика ва порнография тарқалишини олдини олишни тўлиқ қўллаб қувватлаймиз.

Агарда бирон-бир латифа бўйича эътирозлар бўлса, бизга ҳабар берсангиз сайтдан ўчириб ташлаймиз.

Бошқа лойиҳаларимиз

TVinfo.uz — Телепрограмма на сегодня, завтра и ближайшую неделю.
tvinfo.uz
DostavkaInfo — Каталог сервисов, предлагающих доставку еды, лекарств, книг и товаров для дома.
dostavkainfo.uz
Imlo.uz — Орфографический словарь узбекского языка позволяющий проверить правописание узбекских слов на латинице и кириллице. В базе более 87 000 слов.
imlo.uz
Lotin.uz — поможет транслитерировать с узбекской кириллицы на латиницу и обратно. Легко!
lotin.uz
Самая большая коллекция пословиц и поговорок на трёх языках (узбекский, русский, английский).
maqollar.uz
Полное, подробное значение, происхождение, формы узбекских имен. Узнайте значение имен себя и своих близких.
ismlar.com
Ежедневно только отборные анекдоты, смешные картинки. Кузница юмора на узбекском языке!
latifa.uz
Самый большой каталог телеграм каналов в Узбекистане. Только активные каналы по категориям и с подробной статистикой.
uztelegram.com
Бош саҳифаДодалариҚидиришРукнларҚўшиш