Дода латифалар

Бир чол кўчада эшак миниб келаётса, ГАИ инспектори ҳазиллашмоқчи бўлиб, шартта тўхтатиб дебди:
— Сиз нега боядан бери бу жониворни таёқ билан уриб келяпсиз?
— Юрмаганидан кейин ураман-да, - жавоб берибди чол.
— Қани тез кечирим сўранг! - дебди ГАИ ходими.
Шунда чол эшакка қараб:
— Сени ГАИда танишларинг борлигини билмас эканман... - дермиш.

Шер билан буқа ресторанда ичиб ўтирган экан, буқани хотини телефон қилиб қолибди.
— Нималар деяверасан!? Ишинг нима қаерда юрганим билан!? - деб бақириб, телефонни ўчирибди буқа.
Шу пайт шерни телефони жиринглабди:
— Ҳозир, ҳозир етиб бораман, - деб жавоб қайтарибди шер.
Буқа кулиб:
— Ҳайвонлар подшоҳи - шер бўлсанг! Хотинингдан ҳам шунчалик қўрқасанми?! - деса, шер жавоб берибди:
— Эй буқа, сени уйда мол кутяпти. Мени эса шер кутяпти!

Йигит қизга дебди:
— Сенга бир таклифим бор.
Ўзида йўқ хурсанд бўлиб кетган қиз шоша-пиша йигитга термулиб:
— Айтинг, кўп куттирманг! - деса, йигит:
— Мени тинч қўйгин-а!!! - деган экан.

Дугоналар ҳасратлашмоқда:
— Эримни қара! Вақт алламаҳал бўлди, ҳалигича қаерлардадир маст бўлиб санғиб юрибди.
— Мени эримдан ўрнак олса бўлмайдими?! Уни аллақачон олиб келиб ташлашган...

Чекишнинг зарари аниқ исботланди. Чеккани чиққанимда ўртоқларим овқатимни еб қўйишибди.

Бир бой ва чиройли қиз чекка қишлоққа кўчиб келибди. Машинасидан тушаётса, ҳамма йигитлар анқайиб қараб туришса қиз нозланиб дебди:
— Ким менга етиб олса, ўшанга турмушга чиқаман, - дебди-да автомобилига ўтириб ҳайдаб кетибди.
Ҳамма йигитлар ортидан югура бошлашибди. Ҳатто орасида битта чўлоқ ҳам аравачасида қувлай бошлабди. Қиз тезликни оширган сари, бирин-кетин йигитлар орқада қолаверишибди. Лекин бояги аравачадаги чўлоқ йигит машинани ортидан изма-из етиб келибди.
Қиз охири автомобилини тўхтатиб, тушибди-да дебди:
— Ҳамма йигитлар қолиб кетишди. Битта сиз етиб келдингиз. Энди сизга турмушга чиқишимга тўғри келади.
Чўлоқ йигитни жаҳли чиқиб:
— Турмушга чиқасизми, йўқми бунисини билмадим-у, лекин мени аравачамни машинангизга боғлаб қўйган одамни даб-даласини чиқаришим аниқ! - дермиш.

Mенделеев даврий жадвалига янги кимёвий элемент қўшилди. Элемент номи: Аёл. Коди: Fm. Оғирлиги: яшашдан умидингиз бўлса, сўрамаганингиз маъқул!
Физикавий хоссаси: кутилмаган пайт қайнаб кетади, ўйламаган вақтингизда музлаши мумкин. Юқори даражада портлаш хусусиятига ҳам эга. Кимёвий хоссаси: пул, олтин, кумуш, платина ва ҳакозолар билан ёлғиз қолдириб бўлмайди. Тез реакцияга киришиб кетади. Камчилиги: жуда ишонувчан. Кўп учрайдиган жойлар: кўзгуни олдида, телефонни олдида ва бозорда. Қўшимча маълумот: очилмаган қирралари кўп. Яшаш муддати: қўрқманг, эркакларникидан кўп.

Иккита қари футболчилар суҳбатлашмоқда:
— Қайси биримиз биринчи бўлиб оламдан ўтсак, у дунёда футбол ўйини бор ёки йўқлиги тўғрисида хабар берамиз, келишдикми?
Футболчилар келишиб олишибди-да, кўп ўтмай улардан бири вафот этибди.
Тирик қолган футболчини тушига 3 кун ўтиб, марҳум дўсти кириб дебди:
— Қалесан дўстим? Бу ерда ҳам футбол бор экан! Лекин сенга ёмон хабарим бор! Келаётган жума куни бўлиб ўтадиган ўйинда сени ҳам фамилиянг турибди.

— Ойи, менга кимни мияси қўйилган?
— Адангни мияси, болам!
— Нега сизники эмас?
— Менда мия бўлганида, адангга турмушга чиқармидим?!

Янги келинчакка уйдагилари:
— Борган жойингда ҳаммани сизлаб гапиргин, - деб ўргатишибди.
Келин ҳовлини супураётса, бир товуқ ахлатни титишни бошлабди. Келин товуқни ҳайдай бошлабди:
— Киштинг, киштинг, киштинг!!!