Дода латифалар

Ресторандаги воқеа:
— Официант, салат бугунгими?
— Салат нафақат бугунги, у ҳаттоки эртанги!

Совутгичда иккита помидор турибди.
Биринчиси:
— Ух, ух, ух, совуқни қара, — деса.
Иккинчиси:
— Вой дод, гапирадиган помидор, — дермиш.

Ресторанда қуён ва бўри суҳбатлашиб ўтиришибди. Қуёнжон, сенга маза, доим пулинг бор менда эса ҳеч вақо йўқ, шунча пулни қаердан оласан?
— Менга пулни машуқам беради.
— Меники эса бир тийин ҳам бермайди, дебди бўри
— Эҳ, бўривой сен жуда қўполсан, тирноқларинг ўткир. Сен аста-секин мулойимлик билан хотинингни қўлини, қўлингни орқаси билан силасанг албатта пул беради.
Бўри шошиб уйга борса, хотини ухлаб ётган экан, секин бориб кафт орқасини силаса,
— Ҳа, қуёнжон, пулинг тугадими, дебди.

Бир бой кексайиб қолганига қарамай, Афандининг қизига ишқибоз бўлиб қолди:
— Жонгинам, сизни севиб қолдим, сувга десангиз — сувга, ўтга десангиз — ўтга сиз учун киришга тайёрман,— деди у.
— Ерга киринг, десам-чи? — деди қиз.

Фермер хотинига:
— Хотинжон, баҳорда атроф қандай гўзал-а! Қайнонамни, опа-сингилларингни, амма-ю холаларингни қизларини, дугоналарингни, хуллас ҳамма аёл қариндошларингни уйимизга чақир. Сизларга табиат қўйнида ош дамлаб бермокчиман, - деса
Хотини:
— Вой, ўзимни мард эржоним-ей, бизни тоққа олиб борасизми, - деса
Эри:
— Қанақа тоғ?! Кузда экиб қўйган 3 гектар пиёзимни ўт босиб кетибди, далага пиёз ўтоққа борасизлар, - дермиш.

Тўрт улфат ойлик маошини олиб бир ўтириб, улфатчилик қилайлик дейишибди. Улардан ёши каттароғи айтибди:
— Келинглар танга ташлаймиз, агар танга олди тарафи билан тушса, саунага бориб бир мириқамиз, агар орқаси билан тушса қизларни олиб, тоққа чиқиб, дам олиб келамиз, агар қирраси билан тушса пивохўрлик қиламиз, мабодо танга ерга тушмай ҳавода муаллақ туриб қолса, ойлигимизни бир тийинини ҳам сарфламай, хотинларимизга олиб бориб берамиз! — дебди.

Паркда йигит билан қиз қучоқлашиб ўтирибди.
Қиз:
— Менга шундай ишонарли чин сўзингизни айтинг юрагим ҳайқириб кетсин,
Йигит
— Орқамизда даданг билан иккта милиса турибди!

Офисда:
— Нима қилай, компьютерим принтерни кўрмаяпти!?
— Мониторни принтер томонга қаратиб қўйишинг керак!

Онаси қизига маслаҳат бермоқчи бўлибди:
— Қизим, ишхонангдаги Қодиржон деган йигитни кўзда қочирмагин...
— Ойи, нималар деяпсиз?! Мен 20 ёшдаман, у эса 40 да-ку!
— Нима бўпти!? Аммо уни 2 та уйи, машиналари, каттагина бизнеси бор!
— Бундан ташқари ойижон, уни 4 та боласи, 3 та хотини ва 2 мартта судланганлиги ҳам бор!

2-3 йилдан кейин умуман касал бўлмаслигимиз керак. Чунки ҳозир онлайн ўқиган талаба врачлар институтни битириб иш бошлашади.