Дода латифалар

Шифохонада:
— Жағингиз қандай синди?
— Ишда жароҳат олдим.
— Уч жойидан синибди-я ўзиям. Нима иш қиласиз?
— Экскаваторчиман. Кеча ишдан қайтаётсам, йўлдаги канализация қопқоғи очилиб ётган экан. Бирортаси тушиб кетмасин деб, экскаватор чўмичини туйнукка қўйиб, уйга кириб кетдим. Эрталаб келиб чўмични кўтарсам, канализациядан учта сантехник чиқиб келишди...

— Кеча қизалоғим билан мушукчани расмини чизгандик, бугун ҳовлимизга қаердандир мушук боласи кириб олибди.
Бугун ўтириб, Малибу автомобили, икки қаватли далаҳовли ва тилла билакузукларни расмини чизмоқчимиз...

— Алло, адаси, қаердасиз?
— Бекатда, автобус кутяпман...
— Тезроқ келинг!
— Хўп, сал тезрок кутаман!

— Қаердасан оғайни?
— Ишдаман.
— Ишдан кейин нима қилмоқчисан?
— Нима қилардим? Пенсияга чиқмоқчиман.

— Салом ўртоқ! Бандмасмисан?
— Йўғ-е, бўшман, ишдаман!

— Дўстим, эшитишимга қараганда, қизинг фортепиано чалишни ўрганаётган эмиш. Хўш, муваффаққиятлар қандай?
— О-о, гап йўқ! У туфайли иккита қўшнимнинг ҳовлисини арзон-гаровга сотиб олдим.

Ярим кечаси қабрдан бир арвоҳ чиқиб, ёнидаги қабрга қараб:
— Оғайни, юр шаҳар айланиб келамиз, - дебди. Ёнида ётган арвоҳ ҳам, - Майли кетдик, - дебди-да, қабр тошини кўтариб олибди.
Бояги арвоҳ ҳайрон бўлиб:
— Буни нима қиласан?, - деса, шериги:
— Кўчада милиция паспортимни сўраса нимани кўрсатаман, - дермиш.

— Ўтган йили ўн гектар ерга картошка эккан эди. Қурт еб кетди. Бу йили юз гектар ерга экдик. Қуртлар бўкиб ўлса, келаси йилдан бемалол деҳқончилик қилаверамиз.

Бир ўзбек қиз корейс йигитни севиб қолибди. Унга турмушга чиқмоқчи бўлиб, йигитни юз мартта сувга тиқиб олибди-да, - энди ўзбек бўлдингиз. Бундан кейин кучук гўштини емайсиз. Сиз мусулмон бўлдингиз, - дебди.
Йигит:
— Хўп, - дебди.
Қизни уйида кучукчаси бор эди. Кунларни бирида қиз ишдан келиб қараса, йигит кучукчани сўйиб еб ўтирганмуш.
— Ахир кучук гўшти емасликка сўз бегандингизку.
— Қўй гўшти бу!
— Қанакасига қўй бўлсин? Чапаку!
— Мен уни юз мартта сувга ботириб олдим. Қўй бўлди-да!

Иккита корхонанинг раҳбарлари гаплашиб ўтиришган экан.
— Мен ишчиларимга икки ойдан бери маош бермасам ҳам ишга келаверишади, - дебди биринчиси.
— Мен эса уч ойдан бери ишчиларимга умуман ойлик бермаяпман. Барибир ҳаммаси келаверади. Энди ишга келишни ҳам пуллик қилиб қўймоқчиман, - дермиш иккинчиси.