Дода латифалар

Бир аёл қизига нима деса ҳам “Вой” деяверар экан.
Охири онаси қизига:
— Агар яна “вой” десанг, турмушга бериб юбораман, - деса, қиз:
— Вой-вой-вой! – деб юборибди.

— Устоз, менга чораклик баҳоимга 5 қўйиб беринг.
— Нималар деяпсан?! Сенга-я? Ўлдирасан-ку мени...
— Ёмонга ўлим йўқ!

— Бир одам ўлими олдидан бор-йўқғини болалар уйига ташлаб кетган экан.
— Йўғ-е... Нималарни қолдирибди у ерга?
— Бешта боласини!

Бир талаба овқатланиб, қорнини тўйдириб дарсга кирса кекиргиси келиб қолибди. Ҳаммани олдида кекиришга уялиб, охири нима қилишни ўйлаб топибди. Телефондаги мусиқани баланд қилиб овозини кўтарибди-да, кекириб юборибди.
Кейин қараса, телефондаги мусиқа талабани қулоғидаги наушникларидан келаётган экан...

Баъзи давлатларда яшаш қийин эмас, бойларни тўйдириш қийин бўлиб қолди...

— Акмалжон, даданг ким бўлиб ишлайди?
— Мени дадам сеҳргар.
— Қанақасига?
— Ойлик маошлари 1 миллион бўлса ҳам ҳар ой 5 миллионлик ҳаражат қиладилар. Қолган пулни қаердан оладилар билмайман...

— Эълон ёзиб қўйинг! Пайшанба куни ота-оналар мажлиси!
— Пайшанба ёзиладими? Пайшамба ёзиладими?
— Жума деб ёзақолинг! Фақат бир кун олдин келиш шарт!

Бир акахон Дамасда киракашлик қиларкан. Йўл четида одам олиб турса, бир йигит келиб ҳайдовчига дебди:
— Ака, мениям олиб кетинг, илтимос. Шошиляпман, қолиб кетмай!
— Олтита одам олдим. Еттинчини ололмайман. ГАИ ходимлари "перегруз" деб жарима ёзишади, - дебди ҳайдовчи.
— Илтимос, 5000 бераман.
— Йўқ!
— 50 000 бераман, - дебди йигит.
Бу гапни эшитган ҳайдовчи машинадан тушиб:
— Келинг, ўрнимга ўтиринг! Ҳеч нарсага тегманг. Фақат рулни ушлаб ўтиринг. Мен машинани итариб кетаман, - дермиш.

Йигит дўстига:
— Нима у? Учиб ўтиб кетган?
Дўсти:
— Ёз! Ёз учиб ўтиб кетди...

Йигит билан қиз телеграмда ёзишмоқда.
Йигит:
“Кечқурун ресторанга борсак,...”
Қиз:
“Ростанми!? Қаерга борамиз?”
Йигит:
“Шошмай тур! Охиригача ёзиб олай! Кечқурун ресторанга борсак, ҳамма дўстларим йиғилиб бўлишган экан. Фақат мен билан Азизни кутиб туришган экан.”