Дода латифалар

Икки улфат учрашиб қолди:
— Бугун нима сабаб билан ичамиз? - деб сўради биринчиси.
— Бугунги кун учун ичамиз, - деди иккинчиси.
— Бугун нима туғилган кунингми? - деди биринчиси.
— Йўқ, бугун 29.02.2020 йил. Умрингда бир марта бўладиган кун учун ичамиз, - деди иккинчиси.

— Ўғлим, эрталабдан бери шу телефонингда нима қиляпсан?
— Мушугимни боқяпман.
— Нима? Қўй-ми, мол-ми боқсанг бўлмайдими?! Шу мушукни боқишдан бошқа ишинг йўқми сени?!

— Ким жавоб беради? Тендер нима?
— Тендер бу – пора бериш мусобақаси.
— Тўғри ўтир! 6 баҳо. Тўртини ўзингга ол, иккини ўзинг биласан нима қилишни...

— Нимага сиз табассум қилганингизда бир кўзингиз кулиб турса ҳам бир иккинчиси ғамгин бўлади?
— Иккинчи кўзим сунъий-да!

Танкчилар шиори:
— Зирҳларимиз мустаҳкам, танкларимиз тезюрар!
Учувчилар шиори:
— Баланд ва янада баланд кўтариламиз!
Алоқачилар шиори:
— Қанча қаттиқ бақирсанг, шунча узоқ масофада эшитилади!
Ҳаво ҳужумидан мудофаа қўшинларининг шиори:
— Ўзимиз ҳам учмаймиз, бировга ҳам бермаймиз!

Бир одам Афандига:
— Янгисидан эшитайлик... – деса, Афанди:
— Эрталаб нонушта қилиб ўтирсам, тепа тишим билан паст тишим битта нон устида уришиб ётибди, - дебди.

Мен уни жуда-ям соғиндим. Биз доим бирга бўлишимиз керак. Асло ажралмасдан бир умр ёнма-ён яшашимиз шарт! Мен ва пул – бир бутунмиз!

Бир аёл қизига нима деса ҳам “Вой” деяверар экан.
Охири онаси қизига:
— Агар яна “вой” десанг, турмушга бериб юбораман, - деса, қиз:
— Вой-вой-вой! – деб юборибди.

— Устоз, менга чораклик баҳоимга 5 қўйиб беринг.
— Нималар деяпсан?! Сенга-я? Ўлдирасан-ку мени...
— Ёмонга ўлим йўқ!

— Бир одам ўлими олдидан бор-йўқғини болалар уйига ташлаб кетган экан.
— Йўғ-е... Нималарни қолдирибди у ерга?
— Бешта боласини!