Дода латифалар

Сўровнома:
— Сизга қайси канал ёқади?
— UZREPORT TV.
— Нимаси ёқади?
— Ер шарини айланиб туриши.

— Доктор, мен грипп бўлиб қолдим. Қандай маслаҳат берасиз?
— Мендан нарироқ туринг!

Боғчада иккита болакай ўйинчоқ машинани олиб тортишмоқда:
— Бу мени машинам. Уни мен ҳайдайман!
— Йўқ, мени машинам. Мен ҳайдайман!
Тарбиячи уларни тинчлантириб дебди:
— Бўлди уришманглар. Мана, Сардорни қаранглар, машинани талашмаяпти...
Сардор бўлса:
— Калити менда-ку, ўзим ҳайдайман-да барибир... – дермиш.

Қиз ва йигит аразлашиб қолибди:
— Олинг мана узугингиз. Менга бошқа қўнғироқ қилманг, - деб ўгирилиб кетаётган қизнинг орқасидан йигит бақирибди:
— Ҳой!!!
Қиз юриб кетаётиб, ҳозир кечирим сўрайди, тўхтатиб ялиниб-ёлворади, деб ўйласа, бир пайт йигитнинг товуши эшитилибди:
— Узукни шкатулкада бергандим, қани???

— Салом яхши қиз! Исмингиз нима? Танишсак бўладими?
— Йўқ!
— Айтақолинг...
— Ёш боламисиз!? Йўқ дедим-ку!
— Мен сизни бир кўришда севиб қолдим. Сиз билан бахтли ҳаёт қурмоқчиман!
— Майли, исмим – Зарина.
— Ёш боламисиз?! Алдасам ҳам ишонаверасиз...

GreenCard ютиб анчадан буён ватанига қайта олмаётган киши тилла балиқ тутиб олибди:
— Тила тилагингни эй одамзод!
— Мени Ўзбекистонга қайтариб юбора оласанми?
— Буни иложи йўқ! Агар иложи бўлганида, ўзим ҳам Сирдарёга қайтган бўлардим.

Қиз йигитига дебди:
— Жоним, биз қачондир турмуш қурамиз-а?
Йигит:
— Нима, биз ақлдан озганмизми?!

Икки дўст учрашиб қолишибди. Бири иккинчисидан сўрабди:
—Ўртоқ, охирги марта қачон чўмилдинг?
Дўсти жавоб берибди:
— Икки йилча бўлди шекилли.
— Ҳа яхши...
— Ўзинг-чи, қачон чўмилдинг?
— Мен охирги марта олти ой олдин бассейнга боргандим.
— Балиқ бўлиб кет-ей, ўртоқ!

Мактабда ўқийдиган бола адасидан сўрамоқда:
— Ада, сиз кўзингизни юмиб имзо қўя оласизми?
— Ҳа, нима эди? – дебди адаси.
— Ундай бўлса, кундалигимга қўзингизни юмиб, қўл қўйиб беринг...! – дермиш болакай.

— Нега аёлларнинг тепа сочи тўкилмайди?
— Билмадим, нега экан?
— Чунки уларнинг хотини бўлмайди!