Дода латифалар

— Бўлди, хотиним билан ажрашаман!
— Нега? Нима бўлди?
— Туни билан клубма-клуб изғиб юрадиган хотинни менга кераги йўқ!
— Кечаси клубларда нима қилади хотининг?
— Мени қидиради-да...!

Аёл:
— Босиб кўрсам бу ерим оғрияпти
Доктор:
— Босмасангиз оғримаяптими?
Аёл:
— Йўқ
Доктор:
— Унда босманг. Сиздан 30 минг сўм

Бир куни афандини урушга олиб кетишибди.
Борган кунининг эртасидан бошлаб уч кун уруш бўлибди ва уруш тугабди.
Орадан йиллар ўтиб афандини невараси сўрабди:
— Буважон, уруш қандай бўлган?
— Э, биринчи куни биз немисларни роса қувладик. Иккинчи куни немислар бизни қувлади. Учинчи куни эса ўрмон қоровули келиб ҳаммани қувди... - жавоб берибди афанди.

Ўзбек, қирғиз ва қозоқ йигитлар Россияга ишлагани боришибди.
Иш берувчилар уларга кунлик норма белгилашибди. 1 кунда 100 та дарахт арралашни топширишибди ва қўлларига бензопила беришибди..
Ўзбек ва қирғиз йигит нормани бажариб бўлиб, кетаётишса қозоқ ерда ҳолдан тойиб ётган экан.
Ўзбек билан қирғиз йигит унга ёрдам бермоқчи бўлиб бензопилани ёқишса, қозоқни кўзи очилиб кетибди. Ўрнидан сакраб туриб:
— Ие, бу аррани тиши айланармиди??? - дермиш.

Бошлиқни ёнига кирган котиба дебди:
— Корхонамиз ҳисобидан менга иситгич олиб берилса, молиявий аҳволимиз ёмонлашиб қолмайдими?
Бошлиқ:
— Йўқ, албатта.
Котиба:
— Унда менга мўйнали пальто олиб беришларини буюрсангиз...!

Бир болакай ўртоғига мақтанибди:
—Мени дадам сени дадангга қарз берган.
Ўртоғи жавоб қайтарибди:
— Лекин даданг мени дадамдан ўша қарзини ололмай юрибди-ку!

Қиммат ресторанга кирган хўранда ёнига официант келиб сўрабди:
— Нима буюртма берасиз?
Хўранда официант узатган менюни секин ёпиб:
— Сиз менга нима тавсия қиласиз? - деса, официант паст овозда пичирлаб:
— Фурсат борида бу ердан қочиб қолишни тавсия қиламан, - деган экан.

Афандини эшаклари кўп экан. Уларни бештасини танлаб бозорга сотишга олиб кетибди. Йўлда чарчаб биттасига миниб олибди. Энди эшакларини санаб қараса тўртта экан. Афандини роса боши қотибди. Охири эшагидан тушиб йўқолган эшагини излай бошлабди. Излаб-излаб яна йўқолмадимикин деб эшакларини санаб кўрибди. Санаса бешта чиқибди.

Прапоршик взвод аскарларини сафга тортмоқда.
— Сафлан! Текислан! Ростлан!
— Сафда турган аскарлардан бири қўл силтабди.
— Оддий аскар Иванов! - қичқирибди прапоршик, - Нима учун бурнингизни қашлаяпсиз?
— Чунки бурнимга пашша қўниб олди.
— Нима қилибди? Мен «Ростлан» командасини бердим-ку!
— Ҳудди шундай, ўртоқ прапоршик. Бироқ пашша командангизни писанд қилмай бурним устида шаҳдам қадам ташлашни давом эттираверди-да.

Бир куни эр-хотин гаплашиб ўтириб эри дебди:
— Хотин сен эркак бўлганингда нима қилар эдинг?
Хотини:
— Ўзингиз-чи? - дермиш.