Дода латифалар

Қари чол-кампир радиоприёмник сотиб олишибди. Электрга улаб, қараб туришса, ишламабди. Бироздан сўнг тутун чиқишни бошлабди.
— Гапирмаяпти-ку?! - дебди чол.
— Ҳозир чекиб олсин, кейин гапирар, - дермиш кампир.

Ҳайдовчилар йўлда бирор хавф бўлса, автомобиль чироқларини ёқиб-ўчириб бошқа ҳайдовчиларни огоҳлантиришади. Йўлларимизда энг кўп учрайдиган хавфни билишади. ДАН ходимини кўриб қолишса...

Бир одам Россияга борибди. Қараса болакайлар русча гаплашиб, ўйнаб юришган экан. Бояги одам қараб туриб:
— Кичкина бўлса-ям, рус тилини билишади-я, - дермиш.

Профессор тиббиёт талабаларига мурдани кўрсатиб сўрамоқда:
— Ҳўш Наимулло, бу мурда нима сабабдан вафот этган?
— Домла, инфарктдан ўлган.
— Адашдинг! Равшанбек сен айт-чи?
— Домла, у ароқни кўп ичганидан жигари шишиб ўлган
— Қойил Равшанбек. Қаердан билдинг буни?
— Наҳотки қўшнимиз Хайрулло амакини танимасам...!?

"Биз ёшларни олифтагарчиликлари орқасидан миллиардлар ишлаб оляпмиз!"
Apple ва Samsung компаниялари.

Бир қўли йўқ ногирон тушкунликдан йиғлаб ўтирган экан, нарирокда иккала қўлидан ҳам маҳрум бўлган бир одам тинмай рақсга тушаётган эмиш. Бир қўллик ногирон яқинроқ келиб, сўрабди:
— Менинг бир қўлим йўқлигидан худога нолиб ўтирсам-у, сен иккала қўлинг бўлмаса ҳам ҳадеб рақсга тушасан?
Икки қўли йўқ дебди:
— Кўп гапирмасдан елкамни қашиб қўйсанг-чи...?! Боядан бери қийналиб кетдим...

Эрта тонгда уйига қайтган эрига эшик очган хотини:
— Ҳа, нега келдингиз? - дебди.
Эри бўлса ўзини йўқотиб:
— Нонушта қилгани..., - дермиш.

Бир куни афанди балиқ овига борибди.
Ҳаво айниб, совиб кетибди. Шунда афанди балиқ тўрига ўранволиб, — барибир совуқ-да..., - дермиш.

Тилла балиқ Максим Галкинга қараб дебди:
— Бор, кетавер! Сени кампирингда ҳамма нарса бор.

Эрталаб келин кафтларини ерга текказиб, машқ қилаётса, қайнонаси унга қараб:
— Салом берсангиз бўлди. Таъзим қилишингиз шарт эмас!, - дебди.