Дода латифалар

Жарроҳ ёнига пешонасига вилка санчилган бемор келибди.
— Доктор, пешонамдагини суғуриб ташласангиз!
— Кечирасиз, соат учдан беш дақиқа ўтди. Мени иш вақтим тугади. Эртага келинг.
— Жон доктор, шу вилкани олиб ташланг. Бир дақиқа вақтингиз кетади-ку. Ахир мени жоним оғрияпти...
Жарроҳ жаҳл билан вилкани суғуриб, беморнинг кўзига тиқиб қўйибди-да, - боринг окулист соат бешгача ишлайди, - дебди.

Икки дугона гаплашяпти:
— Э дугонажон, анчадан бери тобим йўқ. Жуда мазам қочяпти-да. Ўтиб кетармикин-а?
— Ўтиб кетади. Ўтган йили ён қўшним ҳудди сизга ўхшаб юрган эди. Ўтиб кетди раҳматли.

Статистика маълумотларига қараганда, ҳозир гўзаллик салонига келаётган қизларни:
— Келинг хола, деб кутиб олиб, яхши боринг синглим, деб кузатиб юборишаётган экан...

Йигит қизни каптивада айлантириб юриб қизга:
— Жоним ман сани, алдагандим. Мани хотиним ва 2 та болам бор, - деб турса
Қиз:
— Ҳо-о, ўлинг-а. Нима экан дебман-а. Ман машина ўзимникимас дейишиздан қўрқувдим, - дермиш

Зоопаркдаги эълондан:
— Дельфинларга банан ташламанг! Биринчидан, улар банан ейишмайди, иккинчидан, оч маймунлар чўкиб кетишяпти...

Футбол ўйинини томоша қилаётган Фарҳод дадасидан сўради:
— Нега ҳакам ўйинчиларга қараб ҳуштак чалаверади? Нима, улар гапга тушунмайдими?

Бир қизча қорбобога хат ёзибди.
— Қорбобо манга янги йилда укача олиб кел, - дебди.
Хатни юборибди. Бир кундан кейин қорбободан, қизчага хат келибди.
— Укача керак бўлса, ойингни юбор, - дебди

Судья судланувчига:
— Нега ўзингизга ҳимоячи олмадингиз?!
Судланувчи:
— Жаноб судья қайси адвокатга мурожаат этмай, жиноят ишида айтилган ўша беш миллион долларни хақиқатдан олмаганимни эшитишлари билан менга ҳимоячи бўлишни рад этишяпти.

Замонимиз ёшлари ҳозирда Ромео ва Жульетта, Тохир ва Зухра бўламиз деб ота-она бўлиб қолишяпти.

Бир киши саҳрода кетаётган экан. Суви қолмасдан, тинкаси қуриб, ўлар ҳолатга келганида узоқдан «300 метрдан кейин СУВ!», деган ёзувли стрелкани кўрибди.
Бир амаллаб ўша тарафга йўл олибди. Кейинроқ «200 метрдан кейин СУВ!!!», деган стрелкани кўрибди. Охирги кучини тўплаб кейинги стрелкагача етиб олибди.
Охирги Стрелкага «100 метрдан кейин сув», деган ёзув бўлиб стрелка ер томонга(пастга) қаратиб қўйилган экан.