Дода латифалар

Бир киши ўрмонда адашиб қолибди ва бақира бошлабди. Бир пайт елкасига кимдир қўлини қўйибди. Қараса айиқ!
— Нимага бақиряпсан, одам?
— Кимдир эшитадими дедим.
— Мана, мен эшитдим. Бундан сенга фойда бўлдими?

Афандининг бир савдогар ошнаси унинг тилла узугига суқланиб юрар эди.
— Афанди,— деди у бир куни — мен сизни тез-тез кўриб турмасам соғиниб қоламан. Узоқ сафарга кетяпман, қўлингиздаги узугингизни берсангиз, тақиб олсам, қачон узукни кўрсам, сизни кўргандек бўлиб юраман.
Афанди узукни беришга кўзи қиймай, жавоб берди:
— Жон биродар, мен ҳам сизни тез-тез кўрмасам туролмайман, қўйинг, узук менда турсин, қачон узукка кўзим тушса: «Дўстим тилаганда бермаган эдим» деб сизни эслаб юраман.

Кунлардан бирида бир қиз сеҳргарни учратиб қолибди. Сеҳргар қизга қараб:
— Тила тилагингни, - деб айтибди.
Қиз:
— Ҳамма болла, мани орқамдан югуриб юришсин, - деб тилак билдирибди.
Сеҳргар қизни коптокка айлантириб қўйибди.

— Хотин, йигит-қиз, чол-кампир, ота-она бу қўшма сўзларда эркаклар биринчи айтиладику, нимага "КЕЛИН КУЁВ" деган сўзда аёллар биринчи айтилади???

— Мени севасизми, азизим?
Йигит:
— Албатта, азизам!
Қиз:
— Мен учун қурбон бўлишгаям розимисиз?
Йигит:
— Йўғее! Менинг севгим абадий!

— Севинч биласанми, футбол томоша қилганимда — дунёдаги барча нарсаларни унутаман...
— Мани исмим Наргиза.

Ҳайвонот боғида фил йўқолибди. Полиция бошлиғига уни топишга 3 кун муҳлат беришибди. Муҳлат ўтди, Полиция бошлиғидан:
— Филни топдингларми? - деб сўрашибди
— Ҳа, албатта топдик-да, - деб
Хонага қуённи олиб келишибди
— Ие, шу филми?
Қуён ҳавотирда:
— Ҳа, мен филман! Филман! фақат урманглар мени!

Бир куни мактабда тил ўқитувчиларининг кенгаши чақирилибди. Кенгашда Лотин ёзувидаги алифбодан "к" ёки "қ" ҳарфларининг бирини олиб ташлаш масаласи қўйилибди. Кўпчилик ўқитувчилар "Қ" ҳарфини олиб ташлаш таклифи билан чиқишибди сабаб ёмон сўзлар барчаси шу ҳарфдан бошланади деб этишди улар.
Метод бирлашма раҳбари ҳаммани тинглаб қарор қабул қилибди, лекин четда турган 1 ўқитувчи уларга қўшилмапти, нега унга қўшилмайсан деганда у:
— "Сиқилиб кетдим" сўзини энди бир айтиб кўрингларчи дебди.

Бир бино қулаб тушибди. Сўнг ғишт, қум ва цементни судга беришибди.
Биринчи ғиштни сўроқлашибди:
— Сени қамаймиз, сени деб бино қулади деса.
ғишт:
— Мени хеч қандай айбим йўқ, мени қандай қўйишган бўлса шундай турдим дебди.
қумга:
— Барчасига сен айбдорсан, бино сени деб қулаган деса.
қум:
— Мен хеч нарса қилганим йўқ. мени қандай қоришган бўлса шундай турдим дебди.
Охири цементга:
— Бино сени деб қулаган, сен айбдорсан деса,
Цемент:
— Мени бунга қўшмейла, мен буларни орасида йўқман дебди.

Солиқ инспектори янги бойлардан биридан сўрабди:
— Маошингиз ҳаминқадар бўлса, бундай ҳашаматли вилла қуриш учун пулни қаердан олгансиз?
Бой:
— Кунларнинг бирида балиқ овига бордим ва тилла балиқча тутиб олдим. Ундан ана шундай дабдабали уй қуриб беришни тилаган эдим.
Солиқ инспектори:
— Шуям гап бўлдими? Мени ишонади, деб ўйлаяпсизми?
Бой:
— Ишонмайсизми? Кетдик, вилламни кўрсатаман!