Дода латифалар

Биласизми, нега аёллар одатда футбол ўйнамайди? Чунки 11 та аёл бир хил кийимда бир жойда бўла олмайди.

Ҳайдовчилик гувоҳномасини олишга имтиҳон кетмоқда:
— Айтинг-чи, чорраҳанинг бир тарафида автобус, бир тарафида юк машинаси, яна бир тарафида эса мотоцикл турибди. Қайси бири биринчи бўлиб чорраҳани кесиб ўтади?
— Таксичилар кесиб ўтади.
— Нима? Такси қаердан келиб қолди?
— Ҳеч қайси ҳайдовчи билолмаяпти бу таксилар қаердан келиб қолаётганини!

Кўчат бозорини айланиб юрган харидор сотувчидан сўрабди:
— Бу дарахтингиз 3 йилда олма берадими?
— Йўқ, - дебди сотувчи.
— 5 йилда берадими? – сўрабди яна харидор.
— Йўқ, - дебди яна сотувчи.
— Унда нечи йилда олма беради? – деса, сотувчи:
— Ҳеч қачон олма бермайди! Ахир бу беҳи-ку! – деган экан.

— Дўстим, мен 4G ни айрим ташкилотларнинг раҳбарларига ўхшатаман.
— Нега?
— Савлати бор-у, қиладиган иши йўқ!

Бир одам дўстидан қарзга пул сўрабди.
Дўсти унга:
— Пулни нима қиласан? – деса, ҳалиги одам:
— Даволанаман. Тилим синиб қолди. Тилимни гипс қилдиришим керак, - дермиш.

— Дўстим биласанми? Корейслар билан автоинспектор ходимларининг ўхшаш тарафи нимада?
— Билмадим. Нима экан?
— Иккаласи ҳам таёқчада овқатланишади.

Аёлингизга “Сен кимга ҳам кераксан?!” деманг!
Ҳаттоки, Шрекнинг хотинига ҳам харидорлар чиққан...

Жуда айёр ўғри бировни хонадонига ўғриликка кирган экан, уй эгаси келиб қолибди. Ўғри кийим шкафига кириб, беркиниб олганча ярим тунгача ётибди. Ярим тунда уй эгаси ухлаб ётганида секин шкаф эшигини очиб қараса ҳеч ким йўқ. Қимматбаҳо шубани олиб секин чиқиб кетаётган маҳал уй эгаси кўриб қолибди.
— Ҳой тўхта! Кимсан? Қаёқдан чиқдинг? – дебди.
Ўғри:
— Менми? Кийим ейдиган куяман. Шкафдан чиқдим, - дебди.
Уй эгаси:
— Шубани қаёққа олиб кетяпсан? – деса, ўғри:
— Уйда ейман, - деб жавоб берган экан.

Бир тадбиркор йигитнинг севган қизига айтган сўзлари:
“Соғлом инсон юраги нечи пул туришини биласанми?!
Мен аҳмоқ сен ношукурга юрагимни “шундоқ” бериб ўтирибман-а!!!”.

Бир эркак хотини билан кафедан овқатланиб чиқиб, рўпарасидан келаётган аёлни кўйлагини ушлаб ўтиб кетибди.
Буни кўриб қолган хотини эрига:
— Бу нимаси?! Кўз олдимда бегона аёлни кўйлагини ушлаяпсизми?! – деб бақира кетибди.
Эри бўлса:
— Ваҳима қилма хотин. Мени нотўғри тушундинг. У аёлни кўйлагини ушлаганимни сабаби, ёғли қўлимни кўйлакка артиб олдим, - дермиш.