Дода латифалар

Бир қиз курсдош дугонасига гапириб беряпти:
— Кеча йигитим билан айланиб юрсак, уни аввалги севган қизи учратиб қолдик. У қиз менга қараб “Мендан нимаси ортиқча буни?” деса бўладими!
Дугонаси қизиқиб:
— Хўш? Сен нима дединг? – сўрабди.
— Ўйлаб ўтирмай йигитимни кўрсатиб “мана нимам ортиқча” дедим.

Бойиб кетиш ниятида тадбиркор бўлишни режа қилдим. Бизнес режа ҳам ишлаб чиқдим. Кейин билсам, солиқ кодексида мен учун режалар аллақачон ёзиб қўйилган экан.

Энг яхши кун – Эртага!
Эртага чекишни ташлайман! Эртага спорт билан шу-улланишни бошлайман! Эртага диетага “ўтираман”! Эртадан ўқишни бошлайман! ...

Аёлларнинг муаммоси – эркаклар. Лекин эркакларни ўзлари дунёга келтиради.
Демак, аёллар ўзларининг муаммоларини ўзлари яратар эканлар.

Вақт алламаҳал бўлганда дарвозадан кириб келган ўғлини олдидан отаси чиқиб жаҳл билан дебди:
— Қаерларда юрибсан? Соат нечи бўлди?! Юравермайсанми эрталабгача санғиб!!!
Бу гапни эшитган ўғли шу заҳоти чўнтагидан телефонини олиб, кимгадир қўнғироқ қилиб:
— Алло, ўртоқ кетиб қолмадингми? Рухсат олдим. Ҳозир чиқаман, - дебди.

Бир одам ишдан уйга қайтса, уйида ўғри юрганмиш. Бундоқ қараса ўғри жуда бўйчан, елкалари катта, бақувват эмиш. Ерда ётган таёқни қўлига олиб:
— Яхши-ям шунақа катта экансан. Бўлмаса қоронғида сени кўрмас эдим. Кўзойнагим ишхонамда қолиб кетибди, - дермиш.

Икки дўст суҳбати:
— Сен 22 декабрь куни қайси депутатларга овоз бермоқчисан?
— Сенга овоз берсаммикан?!
— Нима? Қанақасига? Мумкин эмас-ку!
— Ҳа, энди... Ҳар ҳолда сени танийман-да...!

Янги Cobalt машинаси светорофда тўхтаса, орқасидан эски Матиз келиб қарсиллатиб урибди. Cobalt эгаси тушиб қараса, Матизни ойналари тонировка қилинган экан. Бориб ойналарни синдиргудай қилиб ура бошлабди. Бир пайт Матизни ойнаси туширилган экан, ичида юзи шрам, ҳамма ёғига татуировка чизилган, юзи “совуқ”, қўлида тўппончаси бор киши ўтирган экан.⠀
Cobalt эгаси унга қараб:⠀
— Боядан бери машинангизни пулини тўлаш учун сизни чақиряпман. Қанча бўлади? - дермиш.

Ҳозир замон шунақа! Содда эмаслигингни исботлаш учун тиззалари йиртиқ шимни бутун шимдан қимматроққа сотиб олишинг керак.

Иккита кайфи ошиб қолган улфатлар ярим тунда уйга қайтаётиб бири дебди:
— Гаров ўйнайсанми? Ҳозир мени хотиним эшикни “Жоним” деган сўз билан очади.
Иккинчиси:
— Нималар деяпсан? Сен ўлгудек мастсан! Ярим тунда уйга қайтяпсан? Қанақасига хотининг “Жоним” десин!?
— Ҳозир кўрасан! – дебди-да, эшик қўнғироғини босиб дебди:
— Эшикни оч жоним...
Хотини бўлса:
— Жоним?! Ҳозир таъзирингизни бераман! – деб эшикни очган экан.