Дода латифалар

Байрамни эртасига бошлиқ ҳамма ходимларни мажлисга йиғибди. Кайфияти йўқ, авзойи бузуқ, ходимларга қараб:
— Кеча байрамда ким ичди? - деб савол берса, ҳеч ким индамабди. Бошлиқ яна:
— Яна бир марта сўрайман, кеча ким ичди? Яна ҳамма жим.
— Охирги мартта сўраяпман. Кеча ким ичди, - деса, бир ходим ўрнидан туриб, қўрқиб:
— Мен ичгандим, - деса, бошлиқ
— Сиз мен билан юринг! "Бош оғриқ" қиламиз. Қолганлар ишини қилсин! -дермиш.

Олдинлари қизлар мени орқамдан роса югуришарди. Ҳатто баъзилари уйимгача қувлаб келарди. Ҳозир бўлса югуришмай қўйишди. Чунки қизларни сумкасини ўғирламай қўйдимда.

Тоғда яшайдиган бир одам зебра сотиб олибди ва қўшниларига мақтаниш учун зебрани миниб қишлоқни айланиб юрса, битта қўшниси:
— Мен ҳам миниб кўрсам майлими? - деб сўраган экан,
— Майли, - деб, унга зебрани берибди. Қўшниси зебрада бир айланиб келиб:
— Иномарка барибир бошқача-да... - дермиш.

— Азизим, мен билан танишмасингиздан аввал, кимнидир парвариш қилганмисиз?
— Ҳа, қишлоқда, сигирларни парваришлаганман.

Бир танишим гапириб берди. У ишхонада бирор қийинчиликка дуч келса, чўнтагидан хотинини суратини олиб, қараб қўяркан-да, дарҳол тинчланаркан.
Хотинини суратига қараб шундай дер экан:
"Етти йилдан бери шу шаллақи, жанжалкаш, вайсақи билан яшаб келяпман-ку, ишхонадаги қийинчиликлар буни олдида нима бўпти?! Ҳаммаси жойида!"

— Ўғлим, онанг сени кундалигингни текширишимни тайинлади!
— Адажон, ахир юрагингизни мазаси йўқ-ку!
— Фақат сен менга қайғурасан, ўғлим...

Ҳавони қара совуқлигини. Ҳудди сени истарангни эслатади-я...!

Кўчадаги эълонлардан бири:
"Эрингиз ремонт қилган жиҳозларни тузатиб берамиз!" - роса кулдим, лекин эҳтимолшарт телефон рақамини ёзиб олдим.

Ҳинд киноларидаги қаҳрамонлардан ўрнак олиш керак! Бир талай муаммоси бўла туриб, ашула айтиб, рақс тушиб юришади-я...

Эр-хотин жанжаллашиб қолишибди.
Хотин:
— Минг лаънат сизга! Ғирт аҳмок экансиз!
Эр:
— Ҳа, бўлмаса сенга уйланармидим...?!