— Келинг синглим! Нима хизмат?
— Идорангизга ишга кирмоқчи эдим...
— Яхши. Фақат талабларимиз бор. Масалан, 90x60x90, ...
— 486 минг!
— Ҳали охиригача айтиб улгурмадим-ку... Майли бизга ҳисобчи ҳам керак эди, оламиз!
Юк ташувчи Эрбобоев ўн олтинчи қаватга оғир қопни олиб чиқар экан, "ёмон лифтёр" сўзига юзта синоним айта олди!
Телеграмдаги суҳбатда:
— Сиз жуда-ям гўзал қиз бўлсангиз керак?!, - сўрабди йигит.
Қиз:
— Нега унақа деб ўйлаяпсиз?, - дебди қиз нозланиб.
Йигит:
— Табиат бундай аҳмоқлик билан фақат гўзалликни уйғунлаштира олади-да...
Эълонлар сайтидан:
— Жуда-ям ақилли кучукча йўқолиб қолди. Шарик, агар ушбу эълонни ўқиётган бўлсанг, уйга қўнғироқ қил ёки телеграммдан хабар жўнат!
Босқинчилар ароқ ва шароб ишлаб чиқариладиган корхонани гаровга олишибди. Лекин, уч кун ўтиб ҳам ўзларининг шартларини айта олишмасмуш...
Бақалоқ отадан кичкинтой ўғли сўраяпти:
— Дада, сиздаям "пресс" борми?
Ота:
— Пресс ёш болаларда бўлади. Катталарда қорин бўлади, - дебди.
Суд жараёни кетмоқда. Судья айбланувчидан сўради:
— Касбингиз нима?
— Акробатман!
— Қўриқчи, зудлик билан деразани ёпинг!!!
Қаҳратон қишда афандининг уйига меҳмон келибди. Афанди иссиқ сандалда дутор чалиб ўтирган экан. Дуои фотиҳадан сўнг меҳмон сўради:
— Янгамиз кўринмайдилар?
— Ташқарида ўтин ёряпти.
— Сиз иссиқ уйда дутор чалиб ўтирсангиз, аёлингиз совуқда ўтин ёрса, шуям инсофданми?, - дебди меҳмон.
— Янгангиз дутор чалишни билмаса, нима қилай?
Эр оғир аҳволда ётибди. Зўрға кўзини очиб, тепасида ўтирган хотинидан сўради:
— Жоним, мен оламдан ўтсам, йиғлайсанми?
— Уфф, жанозадан олдин атайин кайфиятимни бузмоқчимисиз?!
Бу йил ёзда денгизга бормоқчиман. Мени анъанам ўзи шунақа - ҳар йили ёзда денгизга боришни орзу қилиш!