Дода латифалар

Қишлоққа янги келин тушибди. Келин ҳар куни қудуқдан сув олиб келишда битта шўх йигит ҳуштак чаларкан. Келин қайнонисига бу ҳолни айтса, қайнонаси қошини қоқиб, уйга бошлаб келишини айтибди.
Эратаси келин ортидан йигит келибди, йигитни ушлаб олган қайнота ва қайнона эрталабгача ун тегирмонида эшакни ўрнида ишлатишибди.
Кейинги куни келин ўтиб кетаётиб ҳуштак чалиб қошини қоқса, йигит:
— Ҳа, унинг тугадими?, - дермиш

Афандининг бир қизи бор экан. Унга бирдан уч йигит ошиқ бўлибди. Учаласи уч юртдан экан, биринчиси: ўзбек, иккинчиси: рус, учинчиси: немис экан.
Афанди уларга шарт қўйибди:
— Ўзингизга ёққан гулни олиб келинглар. Улар олиб келибди.
— Энди ҳар ким ўзи олиб келган гулни есин, - дебди.
Ўзбек лола олиб келган экан, уни бемалол ебди. Рус атиргул олиб келган экан. У гулни еяр экан, ҳам кулармиш, ҳам йиғлармиш.
— Нега йиғлаяпсан, деб сўрашса
— Атиргулнинг тикани бўғзимга тиқиляпти, - дермиш.
— Унда нега кулаяпсан, -деб сурашса
— Ану немис кактус кўтариб келяпти, - дермиш.

Бир йигит севган қизига қараб:
— Жоним светни ўчиргин, зўр фокус қиламан, - деса.
Қиз ҳам унга қараб:
— Ҳа, кейин ўша фокусингизни боқасизми?, - дермиш..

Онаси, сенга нима coвғa қилай тўйимизни ўн йиллигига.
— Сўраманг, барибир топиб беролмайсиз...
— Ие, бирор марта айтганингни олиб бермадимми? Айт, дарров муҳайё қиламан.
— Истаган нарсамними?? Алдамайсизми?
— Биласанку, йигит битта гапиради ва сўзида туради!
— Яхши... Ўзингиздан кўринг...
— Нима экан, жуда қизиқтирдингку?
— Вақт coвғa қилинг. Бошқа ҳеч нима керакмас.
— Нима деганинг бу? Қанақа вақт?...
— Ҳар куни кечки пайт мана шу қўлиздаги телефонии кавлаб ўтиришга кетган вақтиздан бир соатгинасини... Оилангиз учун... Оддийгина эътибор... Болларизга... Менга...
— Ммм...

Бир куни аскар полковникни олдига кириб:
— Рухсат беринг ўртоқ полковник, сизга уставдан ташқари мурожат қилсам бўладими? - деса Полковник:
— Бўлади, - дебди.
Шунда аскар:
— Сан қари эшак, сассиқ чол, жонга тегдинг, қачон ишдан кетасан. Рухсат беринг ўртоқ полковник кетишга, - дермиш.

Футбол ҳаками кечаси хотинини эркалаётса.
Хотини:
— Чарчадим ухлайман, - деса
Ҳакам шартта сариқ карточка кўрсатибди.
Хотини:
— Нимага?
— Симуляция учун, - дебди.
Бир бирига тескари қараб ётишибди. Орадан ярим соат ўтгач, хотини эрига қизил карточка кўрсатиб турармиш.
Эри:
— Нимага?
— Қўл билан ўйнаганиз учун.

Оила дастурхонидаги ширинликлар 2 турга бўлинади:
1. Ширинларига
2. Бунисини адамиз есинлар!

Қабулхона эшигида:
Бошлиқ 10 дан 100000000гача қабул қилади.

Бир куни хотини эрига латифа айтиб берибди. Эри роса кулибди.
Хотини:
— Кулгили эканми, ўзим тўқидим, - деса
Эри бирдан жиддий тортиб:
— Ўзимам этудим, шунақаям бемаза латифа бўладими деб, - дермиш

Пошшо бир куни Афандини койиди:
— Фалончига бир иш буюрсам, ҳамма вақт икки-уч ишни бирйўла бажариб келади. Сиз эса бирорта ишни ҳам тузукроқ бажариб келолмайсиз!
Иттифоқо бир куни пошшо касал бўлиб, табиб айтиб келишни Афандига буюрди.
Афанди бориб тўрт кишини бошлаб келди-да, пошшога таъзим қилиб, фахр билан деди:
— Камина қулингиз ҳам тўрт ишни бир йўла бажариб келди, мана!— Орқада турган одамларни кўрсатди.
— Мен сизни табибга юборган эдим, булар кимлар, нима иш қилишади?—сўради пошшо ғазабланиб.
— Тақсир, касалсиз, иссиқ жонга ишонч йўқ. Буларнинг бири — табиб, сизни даволайди, иккинчиси сол, борди-ю, ўлиб қолгудек бўлсангиз мурдангизни ювади, учинчиси — жанозангизни ўқийдиган имом, тўртинчи-си бўлса — гўрков,— деб жавоб берди Афанди.