Дода латифалар

— Бизни раҳбар жуда алдоқчи, аммо адолатли.
— Қанақасига, ахир уни алдоқчи деяпсан-ку?
— Ҳа, у ҳаммани бараварига алдайди.

Шифохоналарда "Саломатлигингиз ўз қўлингизда" - деган ёзув туради. Манимча яқин орада уни "Саломатлигингиз ўз чўнтагингизда" - деб ўзгартириб қўйишса ажабмас.

Бир йигит Болгарияга борибди. У ерда бир қизни яхши кўриб қолибди.
Йигит қизга:
— Сени миллатинг нима?
Қиз:
— Мен болгаркаман.
Йигит:
— Мен эса дрелман, - дермиш.

Эр-хотинлар учун маслаҳат:
"Узоқ умр кўрайлик десангиз, кўпроқ мева енг, бир-бирингизни эмас!"

— Кабоб пишираётган нима учун елпиб туришади?
— Кўмир яхши ёниши учун.
— Йўқ. Қўшниларга кабоб ҳиди яхшироқ етиб бориши учун.

Тунда севишганлар учрашиб турса, қизни отасини овози келибди. Йигит нима қилишини билмай, ёнидаги дарахтга чиқиб олибди.
Отаси яқин келиб:
— Ярим тунда нима қиляпсан? - деса, қизи:
— Ҳеч нима. Оймомони томоша қиляпман, - дебди.
Отаси:
— Ўша оймомога айт, дарвоза ёнига келсин. Велосипеди қолиб кетибди. Олиб кетади, - деган экан.

— Дўстим, жанжални қаерида бўлган яхшироқ?
— Хоҳласанг ёнида бўл, хоҳласанг орқасида бўл! Лекин ҳеч қачон ўртасида бўлма!

Қиз онасига:
— Ойи, сизга муҳим гапим бор. Мен эрга тегаяпман.
— Уятсиз жонимга тегиб кетдинг. Ахир 5 марта эрга тегиб ажрашдинг, энди жи-и-и-и-м ўтир тушиндингми?!
— Ойиижооон, хўп дея қолинг, тегаман-у, тезда қайтаман. Майлими ойииии?

Эр-хотин магазинга киришди.
Эр:
— Итимизга икки юз грамм колбаса бериб юборинг.
Хотин:
— Адаси итимиз йўқ-ку...
Эр:
— Ириллама.

Бир Андижонлик окахонимиза Англиядан қўлида бир чемадан пул билан келса, божхона ходимлари қизиқиб сўрашибди:
— Ака, ўзи Англияга 2 кунга бориб келган бўлсангиз, қаердан шунча пул ишладиз?
— Картадан ютиб олдим, - дермиш
— Қанақа қилиб?
— Скверда кетаётсам, 2 та Англичан сувара ўйнаб ўтирган экан. Кейин бири манда 21 деса, иккинчиси ютқаздим деб пул берибди.
Мен ҳайрон бўлиб:
— Нимага бу картасини очмасаям, ютқаздим деб пул тутқаздингиз? - десам.
— Бизда джентелменнинг сўзи қонун, - деб айтди.
Буёғи энди, окалар, ишанаверинг бўлиб кетди.