Дода латифалар

Бир куни футбол ўйинидан олдин бир ўйинчига тренери рақиб жамоа хавфли ҳужумчисининг ёнидан жилмай ўйнашини айтибди. Бироздан сўнг рақиб ҳужумчи “Қизил карточка” олиб, ўйиндан чиқиб, заҳирага бориб ўтирса, бояги ўйинчи ҳам унинг ёнига бориб ўтириб олган экан.

— Ойи дадамни расмлари борми? - деб сўрабди 1-синфда ўқийдиган ўғли.
— Ҳа, бор. Нима қиласан?
— Мактабга обораман, устозимиз уй вазифасини тайёрлаб берган аҳмоқни бир кўрмоқчиман дедилар.

— Бошлиқ, бугун ишдан эртароқ кетсам майлими?
— Неча дақиқага?
— Мумкин бўлса, 480 дақиқага.

Йигит онасига:
— Сиздан рухсат сўрамасдан бирор иш қилишим учун нечи ёшга киришим керак, - деса, онаси:
— Бунақа ёшга ҳали аданг ҳам кирмаган ўғлим, - дебди.

— Дўстим, мен фарзандли бўлдим.
— Ие, зўр-ку! Табриклайман! Хотининг хурсандми?
— Хотинимга ҳали айтганим йўқ. Билса, ўлдиради мени.

Ўзбек футболчиларининг жаҳон чемпионатига чиқмаётганини сабаблари:
1. 2010 йил – Африка жуда иссиқ эди.
2. 2014 йил – Бразилия узоқлик қилди.
3. 2018 йил – Россияга ўзбеклар борса, қурилишга келишди деб ўйлашади.
4. 2022 йил – бир баҳона топилиб қолар ...

Мактабда оралиқ имтиҳон топшириладиган кун. Дарс бошланибди. Ўқитувчи:
— Ҳозир имтиҳон топширасизлар.
— Устоз, калькулятордан фойдалансак бўладими?
— Бўлади.
— Менделеев жадвалидан-чи?
— Бемалол. Ёзинглар, мавзу “Иккинчи жаҳон уруши”.

Ҳайвонот боғи. Маймун турган қафас ёнида қизалоқ ойисидан сўради:
— Ойи, нега маймунлар юзларини бўяб олишган?
— Бошқа маймунларни қўрқитиш учун.
— Ие, унда сиз дадамни қўрқитиш учун бўяниб олар экансиз-да, а?
Ёнида индамай кетаётган дадаси жавоб берди:
— Йўқ қизим. Онанг кўчадаги одамларни қўрқитиб юбормаслик учун бўянади.

— Айрим рақамларни атайлаб, шу рақамдан бўладиган қўнғироқларни кўтармаслик учунгина телефонга сақлаб қўяман.

Компьютер дастурчиси пианинонинг олдига келиб, уни узоқ кўздан кечириб, дермиш:
— Клавиатура ноқулай. Бор-йўғи 84 та клавишалар бор, уларни-ям яримидан кўпи функционал клавишлар. Ҳеч қайсида ёзуви йўқ. Лекин «Шифт»нинг оёқ билан босилиши зўр экан.