Дода латифалар

— Маошинг қанча?
— 100 доллар.
— Вой тентак!
— Соатига.
— Вой аблаҳ!

— Кеча хотиним янги олиб берган машинани пачоқ қилибди.
— Хотинингни ўзини аҳволи яхшими?
— Ҳозирча яхши. Беркиниб олган, тополмаяпман!

Хотин эрини дўконга жўнатаётиб тайинлабди:
— 1 та буханка нон олингда, тухумни сўранг. Бор бўлса, 10 та олинг!
Эри дўконга кириб сотувчига дебди:
— 1 та буханка беринг. Тухум борми?
— Бор, - дебди сотувчи.
— Унда 10 та буханка берасиз, - дермиш эри.

Бир талаба йигитга ҳар куни автобусда қари кампир ерёнғоқ берар экан.
Охири йигит сўрабди:
— Нега ҳар куни мени ерёнғоқ билан сийлайсиз? Атайлаб мени деб сотиб оласизми?
Кампир жавоб берибди:
— Йўқ. Мен ҳар куни Сникерс ейман. Шоколадни ичидан чиқган ёнғоқларни тишим йўқлиги учун оғзимда у ёққа, бу ёққа оламан-да, чайнаб ютолмайман. Кейин шуларни сенга илинаман-да болажоним.

Ўқитувчи сўрабди:
— Болалар, мактабимизга текширув келган. Ҳозир улар бизни синфга кирганларида нима деймиз?
— Ассалому алайкум деймиз.
— Чиқиб кетаётганида-чи?
— Ҳайрият-ей деймиз! – дейишибди.

Дам олиш куни ота-бола бозорга кетаётишса, олдиларидан ўғлининг ўқитувчиси чиқиб қолибди.
— Болам, устозингга салом бермайсанми? – деса, ўғли:
— Бугун дам олиш куни-ку!? – дермиш.

— Бугун ишхонада директоримиз компьютер ўйинлари бўйича мусобақа уюштирди.
— Хўш, нима бўлди, гапир?
— Ғолиб бўлган ходимларни учтаси ишдан бўшатилди!

Бир куни Тико севгилиси Матизга хат ёзибди:
— Салом азизам Матизхон! Кеча ойингиз Дамас опани кўргандим. Дадангиз Нексия ака билан бирга кетаёткан эканлар.
Сигнал чалсам қарашмади.
Кейин билсам сизга олифта Спаркдан совчилар келган экан. Унинг амакилари Эпика ва Каптивалар тўй қилмоқчи экан.
Мен ҳозир арендадаман қутилиб бўлишим билан амаким Малибу ва Орландоларни совчиликка юбораман!
Сиз моторизга қулоқ тутинг. Ҳа айтганча, келгинди BMW орқездан юрган экан.
Айтиб қўйинг, рашким ёмон. Бензин бакини тешиб қўяман!
Мен сизни сўнги бензиним қолгунича севаман!

Қиз болани биринчи учрашувдаёқ ҳайрон қолдирмоқчи бўлсангиз, учрашувга келманг. Шунда у ҳайратда қолади.