Дода латифалар

Травмотология шифохонасидан чиқган эр-хотин такси тўхтатишди. Машинага ўтиргач, ҳайдовчига қараб:
— Илтимос, фақат шошилмасдан ҳайдасангиз. Кеча бир "ўпка" ҳайдовчи уриб юборган эди, - дейишибди.
Ҳайдовчи эса тиржайиб:
— Мен бўлса сизларни танимабман...- дермиш.

Тонгга яқин уйига қайтган эрини ҳамма ёғида лаб бўёғи ва сариқ соч кўрган хотин жанжал қилиб:
— Бу нима аҳвол? - деб бақирса, эри:
— Айтсам ишонмайсан, масҳарабоз билан росса урушдим, - дермиш.

Автобус бекатда тўхтаб яна йўлида давом этаётса, бир эркак жон ҳолатда автобусни орқасидан югуриб келаётганмиш. Қоқилиб, йиқилиб, яна туриб югурармиш.
Шу пайт бир йигит автобус ойнасидан бошини чиқариб:
— Ака автобусни орқасидан югураверманг. Ҳамма кулавериб, ичаги узилай деяпти, - деса, чопиб келаётган киши:
— Агар ҳозир бирортангиз автобусни тўхтатмасангиз, бошингиз узилади... Чунки мен шу автобусни ҳайдовчисиман, - дермиш.

Бир эркакни хотини касал бўлиб ётиб қолибди. Эрини чақириб:
— Агар ўлиб қолсам, нима қиласиз? — дебди.
— Ўлмай қолсанг нима қиламан хотин? — дермиш эри йиғламсираб.

Хотини кўзгу олдида ўзига оро бериб эрига мақтана бошлабди:
— Биласизми? Бугун косметологга боргандим. У мени юзимни 18 ёшли қизникига ўхшатди.
Эри энса қотириб:
— 48 ёшли ажинларинг ҳақида ҳеч нима демадими, - деса, хотини жаҳл билан:
— Йўқ! Сизни сўрамади, - дермиш.

Зиёфатга кетаётган хотин эрига қараб:
— Адаси, мен кечроқ қайтаман. Болаларни овқатлантириб қўйдим, - дебди.
Эри:
— Маст ҳолатда қайтмагин тағин, - деса, хотини ҳайрон бўлиб:
— Унда индинггача болаларга қараб ўтира оласизми? – дермиш.

Бир куни буқа билан шер пиво ичиб ўтиришса, шерни телефони жиринглаб қолибди:
— Алло, ҳа албатта! Ҳозир бораман, - дебди шер. Шунда буқа шерга қараб:
— Яна хотинингми? Нега ундан қўрқасан-а? Мен хотинимдан умуман қўрқмайман! – дебди керилиб.
Шунда шер буқага қараб:
— Мени хотиним шерхон бўлади. Сеникига ўхшаган сигир эмас! – дермиш.

— Нега барча фильм қаҳрамонлари эрталаб ювиниб бўлгач, нонушта қилишга, газета ўқишга-ям улгуришади?
Мен ҳар куни эрталаб ювиниб-кийинишга зўрға улгураман ...

Бир йигит Сибирга, дўстини уйига меҳмонга борибди. Овқатланиб ўтирса, оёғини остидан каламушдек келадиган жонзод ўтиб қолибди.
Шунда меҳмон:
— Шу совуқда каламуш нима қилади?, - деса.
Мезбон:
— Бу каламуш эмас. Пальто кийган суварак!, - дермиш.

Ошиқ испан йигит ҳар оқшом севган қизини деразаси ёнида серенада куйларкан. Дўстлари ундан:
— Нега шу қизга уйланиб қўя қолмайсан?, - дейишса,
— Кейин кимга серенада куйлайман?, - дермиш.