Дода латифалар

Бу оламда ҳеч ким сени аэропортда таксичи кутганчалик, интизорлик билан кутмайди!

Ярим кечада ташқарига чиқиб кетган эр, бироздан сўнг шалаббо бўлиб қайтибди.
— Ёмғир ёғяптими? - сўрабди хотини.
— Йўқ. Кучли шамол бўляпти, - дермиш эри.

Учта бадавлат амалдорлар хотинлари ёзда қаерда дам олишни ёқтириши ҳақида бир-бирига мақтанишмоқда. Биринчиси:
—Мени хотиним ҳар йил ёзда Гавая оролларида дам олишни ёқтиради, - дебди.
Иккинчиси:
— Меники Туркияда дам олишни ёқтиради, - дебди.
Учинчиси:
— Мени хотиним ҳар йил ёзда Сочида дам олишни ёқтиради, - дебди.
Биттаси ҳайдовчисига қараб:
— Сени хотининг қаерга дам олишга юборасан, - деса,
— Ҳозирча хотинимни мендан кўнгли совигани йўқ, - дермиш.

Иккита шиша йиғувчи дайди ахлатхонада шиша йиғиб юриб, олов чиққанини сезиб қолишибди. Биринчиси:
— Қара, ахлатхона ёнаяпти, - деса, иккинчиси:
— Ҳайрият-ей, бугун иссиқ овқат ер эканмиз, - дермиш.

Ҳайвонлар пивога узундан-узун навбатда туришибди. Ҳаммадан олдин қуён ўтиб, пиво олмоқчи бўлган экан, бўрини жаҳли чиқиб, қуённи тўхтатибди:
— Қаёққа, ҳой қуён?! Навбатни кўрмаяпсанми?
Қуён:
— Юр, бир четга ўтайлик, гапим бор!
Бир дақиқадан кейин яна қуён навбатсиз пивога ўта бошлабди. Айиқ қуённи қулоғдан кўтариб:
— Ҳой шалпангқулоқ, қаёққа?! - дебди.
— Бир дақиқага бу ёққа қарагин, - деб, айиқни ҳам бир четга олиб кетибди.
Қайтиб келиб, доимгидек навбатсиз пивога қўл узатган экан, арслон ўкирибди:
— Жонга тегдинг-ку! Навбатга тур!
Қуён арслонни ҳам етаклаб, ўрмон ортига олиб ўтса, у ерда одамхўр дев турган эмиш.
— Яна гўшт олиб келдингми?! Қачон пиво олиб келасан??? - дермиш дев арслонни кўриб.

Дудуқ одам милицияга қўнғироқ қилибди:
— М-м-милициями?
— Ҳа!
— Б-б-бу ерда м-м-мурда ётибди.
— Манзилни айтинг!
— Қ-қ-қ...
Телефон суҳбати узилиб қолибди. Бир сониядан сўнг яна телефон жиринглаб:
— Алло, тезроқ манзилни айтинг!
— Қ-қ-қ...
Яна телефон узилади... Такрор жиринглайди.
— Алло?!
— Қ-қ-қ...
— Бўлди, Мурда Қора-қамишда экан. Ўзимиз топиб олдик!!!

Эрта тонг. Соат 8:30:
— Азизим, мен ҳомиладорман!
Кун. Соат 10:30:
— Исмини нима қўямиз?
Пешин. Соат 13:30:
— Қайси институтга ўқишга киради, адаси?

Котиба бошлиқнинг хонасига кириб унга:
— Бугундан бошлаб мени ойлигим кўтарилади. Ҳафтада 4 кун дам оламан.
— Буни сенга ким айтди?
— Гинеколог билан адвокат айтди!

— Сен тентаксан!
— Нима дединг? Қайтар-чи!
— Сен тентаксан!
— Яна бир қайтар!
— Сен тентаксан деяпман.
— Тентак одамни буйруқларини бажаряпсан-ку! Ўзинг ким бўласан унда?!

— Адаси, манави пиёда жонидан тўйганми? Нега машинамни олдида югуриб кетяпти?
— Машинани пиёдалар йўлагидан эмас, машиналар юрадиган йўлдан ҳайдасанг яхши бўларди.