Дода латифалар

Ҳозир 3 ёшли болакайлар компьютерда ишлашни, селфи суратга олишни билишади. Мен-чи, шу ёшимда қора сақични чайнаб, магнитофонда кассета эшитиб юрардим.

Сени орқангдан кулишса, хафа бўлма. Йиғлашларидан қўрқгин!!!

Қизлар, чирой ўткинчидир! Шунинг учун тирноқ ва киприкларни ўстирманг, ақлни ўстириш билан шуғулланинг!

— Яхши қиз, мени қаерга судраб кетяпсиз?
— Никоҳ ўқитишга!
— Лекин ҳали яхшироқ танишмадик-ку...?
— Никоҳ ўқитиб олайлик. Онам шунақа деб тайинлагандилар!

Хотин эрига:
— Озишимни хоҳласангиз, ҳам бир кило учун 100 мингдан тўлайсиз-ми? - дебди.
Эри бўлса:
— Инсофинг борми хотин? Бозорда думбани нархи қанча туришини биласанми? - деб кулиб юборибди.

Ботаника ўқитувчисига ўқувчи савол берибди:
— Дарахтлар ёрдамида шимол ва жануб томонларни қандай билиб олса бўладими?
Ўқитувчи:
— Жуда-ям осон-ку! Арча-шимол, пальма эса жануб.

Олимларнинг фикрича, тез орада шартномаларда ёзилаётган кредит берувчи ташкилотнинг шартларини фақат электрон микроскоп ёрдамида ўқий олиш мумкин бўлади.

Иккита ҳамкасб суҳбатлашмоқда:
— Маошимни деярли ҳаммасини сайёҳатга сарфлаяпман.
— Йўл ҳаққи ошганидан хабарим бор...!

Қўлга тушган мактаб қоровулини тергов қилишяпти:
— Ҳўш, айтинг-чи? Мактабдан нималарни ўғриладингиз? – сўрабди терговчи.
Қоровул юзини буриштириб:
— Хўжалик бўлими мудиридан бирор арзгулик нарса қолмаган-ку ўзи...?! – дебди.