Дода латифалар

Тажрибали тарвуз сотувчиси ўғлини бошига бир чертиб, имтиҳонларга тайёр ёки тайёр эмаслиги билиб оларкан!

— Сизнингча, ким ақллироқ? Эркакларми ёки аёлларми?
— Аёллар!
— Нега бунақа деб ўйлайсиз?
— Нега эмиш... Ахир эркакнинг чиройли оёқларига учиб, турмушга чиққан биронта аёлни кўрганмисиз?

Тўртта содда йигит шаҳардаги ресторанга кириб, нима овқат буюришни бимай ўтиришса, ёнидаги столда бешта йигит менюга қараб:
— Бизга ҳаммамизга Бефштекс олиб келинг, - дейишибди.
Ҳалиги тўрттала йигитлар буни эшитиб қолиб, официантга қараб:
— Бизларни ҳаммамизга тўрфштекс олиб келаверинг!, - дейишган экан.

Уч яшар Сардор бувисига деди:
— Бувижон! Сиз доимо: «Шакарнинг ҳам ози ширин», - дердингиз. Боғчага шунча бордим, бўлди-да энди!

— Гули, юзингга нима қилди? Ҳудди эри урган хотинни юзига ўхшаб қолибди.
— Яшшамагур сигиримиз, шунақа қилиб қўйди.
— Вой, юзингга тепиб юбордими?
— Йўқ, ҳар куни соғаётганимда думи билан юзимга ураверарди. Думи қимирламасин деб, ғишт боғлаб қўйгандим.

Ёш қиз телефонидан собиқ севган йигитларини рақамларини ўчириб ташлашни унутган экан. Бир пайт ошхонадан онаси уни чақирибди:
— Қизим, телефонингга жавоб бер! Сенга қандайдир Аблаҳ қўнғироқ қиляпти.

Бир аёл тиқилинчда ҳамёнини тушириб қўйибди. Бироздан кейин ёшгина бола аёлни ҳамёнини қайтариб берибди. Аёл ҳамёнини очиб кўриб болага:
— Мени ҳамёнимда иккита беш мингталик бор эди. Бу ерда ўнта минг сўмлик турибди-ку?! - деса, болакай:
— Биласизми, олдин ҳам биттасини ҳамёнини топиб бергандим. У менга миннатдорчилик билдириш учун майда топа олмаганди. Шунга пулларингизни майдалаб қўйдим, - дермиш.

Бу оламда ҳеч ким сени аэропортда таксичи кутганчалик, интизорлик билан кутмайди!

Ярим кечада ташқарига чиқиб кетган эр, бироздан сўнг шалаббо бўлиб қайтибди.
— Ёмғир ёғяптими? - сўрабди хотини.
— Йўқ. Кучли шамол бўляпти, - дермиш эри.

Учта бадавлат амалдорлар хотинлари ёзда қаерда дам олишни ёқтириши ҳақида бир-бирига мақтанишмоқда. Биринчиси:
—Мени хотиним ҳар йил ёзда Гавая оролларида дам олишни ёқтиради, - дебди.
Иккинчиси:
— Меники Туркияда дам олишни ёқтиради, - дебди.
Учинчиси:
— Мени хотиним ҳар йил ёзда Сочида дам олишни ёқтиради, - дебди.
Биттаси ҳайдовчисига қараб:
— Сени хотининг қаерга дам олишга юборасан, - деса,
— Ҳозирча хотинимни мендан кўнгли совигани йўқ, - дермиш.