Дода латифалар

Суд залида айбланувчига савол беришяпти:
— Сиз қандай қилиб бирданига 6 та одамни машинангизда уриб юбордингиз?
Ҳайдовчи:
— Йўлда кетаётган эдим. Бирдан тормоз ишламай қолди. Йўлнинг ўнг тарафига қарасам, 2 киши, чап тарафида 4 киши кетаётган экан. 4 кишидан кўра, 2 кишини уриб қўяқолай, - деб, рулни ўнг тарафга бурдим. Бирдан ҳалиги 2 киши чап тарафга қараб югуриб қолса бўладими?! Уларни қулаб, охири ҳаммасини уриб юбордим.

— Эшитишимча сиз циркда шерларни ўйнатар экансиз? Бир нарсага ҳайронман. Сиз кичкинагина, нимжон ва бунинг устига озғин бўлсангиз.
Нега шерлар сизни еб қўйишмайди?
— Ҳамма гап шунда-да! Улар ҳам мени семиришимни кутишади!

Хотин эридан сўраяпти:
— Азизим,Ромео Жульеттани севгандек сева оласизми мени?
— Билмайман. Ўқимаганман!
— Отелло Дездемонани рашк қилганидек, мени рашк қила оласизми?
— Билмайман. Ўқимаганман! - тўнғиллаб жавоб берибди эр ва дебди:
— Агар кўп савол бераверсанг, бўғирсоққа ўхшаб сендан қочиб кетаман.

Аёлларни 3 тоифага бўлиш мумкин:
Ақлли, чиройли, меҳрибон.
Аммо баъзан алоҳида хилларини ҳам учратиш мумкин. Масалан:
Ақлли+чиройли=жанжалкаш.
Ақлли+меҳрибон=ҳунук.
Меҳрибон+чиройли=аҳмоқ.
Ақлли+меҳрибон+чиройли=уни қадрламайдиган тентак билан учрашиб юрадиган.

Камбағаллик лўлининг жонига тегиб, ўзини осишга қарор қилибди. Дарё соҳилидаги дарахтга арқон боғлаб бир учини бўйнига солибди.
Лекин шу заҳоти арқон узилиб, лўли дарёга қулабди. Уни зўрға қутқариб олиб:
— Нега бундай қилдинг? - деб сўрашса, лўли:
— Мени тинч қўйинглар! Мана шу ярамас арқоннинг дастидан сал бўлмаса чўкиб кетардим, - дермиш.

Дўконга кирган қайсар харидор янги иш бошлаган сотувчи қизга дебди:
— Хизмат кўрсатишингиз жуда-ям ёмон! Мен сўраган буюмларни ҳаттоки турган жойини ҳам билмайсиз. Маҳсулотлар пала-партиш тахланган, умуман тартиб йўқ...!
Қўрқиб кетган ёш сотувчи йиғлаб юборай деб турса, бояги харидор яна баланд овозда:
— Сизда ўзи инсоф борми? - деса, сотувчи қиз шошилиб:
— Бор-бор, бўлиши керак! Ҳозир топиб бераман...! - дермиш.

Кун бўйи чучвара тугиб, эрим ишдан келишига пишириб, дастурхонга қўйсам, эрим чучвараларни еб бўлиб:
— Бошқа бунақасидан сотиб олмагин, хўпми?! - деса бўладими...

— Адаси, ухлаяпсизми?
— Йўқ!
— Нега кўзларингизни юмиб олгансиз?
— Кўз нуримни асраяпман...

Прокурорнинг фарзандлари - янги батарейкалар!
Янги батарейкалар ҳеч қачон ўтирмайди!

Пиёнистанинг ташвиши:
"Нега ароқ ичсам, мени ароқхўр дейишади? Фанта ичсам, фантастик дейишмайди???"