Дода латифалар

Ангела Меркель:
— Путин, биз парадга бора олмаймиз.
Путин:
— Жуда яхши, биз асирларнинг иштирокини режалаштирмаган эдик...!

— Ишхонангиздаги раҳбарга муносабатингиз қандай?
— Худди хотинимга ўхшаш. Раҳбаримиз озгина ёқади,озгина қўрқаман ва бирозгина бошқаси бўлишини истайман...

Икки ўртоқ дўстини уйига меҳмонга боришибди. Уй эшигини ёнига етиб келгач, йигитлардан бири эшикни оёғи билан тепиб таққиллатибди.
Ёнидаги дўсти ҳайрон бўлиб:
— Нега эшикни оёғинг билан таққиллатяпсан? - деб сўраса, дўсти:
— Мезбон бизни қўлимиз банд экан деб ўйласин. Акс ҳолда у бизни қуруқ қўл билан уйига киргазмайди, - деган экан.

Тушкун бемор врачдан сўрабди:
— Доктор, нега таҳлил натижаларим бунчалик ёмон?
— Сиз улар учун қанча пул тўлаган эдингиз?
— 50 минг сўм.
— Яхши натижали таҳлиллар бизда қиммат туради!

Қиш. Изғирин совуқ. Қор ёғяпти. Ўрмонда жаҳл отига минган айиқ у ёқдан бу ёққа чопиб қичқирарди:
— Нима учун сентябрда қаҳва ичдим-а?!

Бир киши Россияга ишлагани борибди. Иш берувчи аввал суҳбат қилиб кўрмоқчи бўлиб дебди:
— Нима мақсадда Россияга келдингиз?
— Нексия ва 2 қаватли уйлар қилгани келдим.
Буни эшитиб иш берувчи:
— Нексия бизда чиқмайди Ўзбекистонда чиқади. 2 қаватли уйларга ҳам ўзбеклар ўч бўлади, - деб орқасига қайтариб юборган экан.

Бир кун афанди поезд рельсида ўтирган оғайнисига:
— Салгина сурилгин, мен ҳам ўтирай, - дермиш.

Бир бемор кўз докторини олдига бориб:
— Доктор мени кўзим яхши кўрмаябди. Ҳамма нарсани 2 та кўряпман, - дебди.
Шунда доктор шундай қарабди-да:
— Уччаловингиз ҳам шунақами? - дебди.

Икки дўст тоғга отланишибди. Кеч тушибди. Тунаш учун палаткаларни ўрнатиб уйқуга кетишибди.
Тонг отгач, дўсти кўзини очибди-ю, шергидан сўрабди:
— Хўш дўстим! Бу тиниқ осмон бизга нималар ҳақида сўзлайди?
Шериги осмонга қараб туриб:
— Тунда бизни палаткамизни ўғирлаб кетишгани ҳақида сўзлаяпти!!!

Тунда икки маст кўчада кетаётиб, ёниб турган чироққа кўзлари тушиб қолибди.
1-маст:
— Бу - қуёш, - деса,
2-маст:
— Йўқ, бу - ой, - деб тортишиб кетишибди.
Улар тортишаётса олдиларидан бир одам ўтиб қолибди.
Шунда ҳалиги мастлар:
— Э биродар, бир минут... Анави қуёшми ёки ойми? Биз ҳеч келиша олмаяпмиз, - дейишса, ҳалиги одам:
— Кечирасизлар акалар, мен бу маҳалладан эмасман, - дермиш.