Дода латифалар

Иккита одам балиқ тутиб ўтириб, бир қадаҳдан ароқ қуйишибди. Шу пайт қармоққа балиқ илинибди. Ароқни ёнига қўйиб, қармоқни тортиб чиқарса, балиқ "Шалоп" этиб ароқни ичига тушибди.
Жаҳл билан ароқни кўлга тўкиб ташлабди. Ароқни ичидаги балиқ сувга қайтиб тушиб, шерикларига мақтанибди:
— Тепада иккита овчи ушлаган балиқларига бир қадаҳдан ароқ қуйиб бериб, яна сувга ташлаб юборяпти, - дермиш.

— Ўртоқ, университетга миянг билан кирдингми?
— Ҳа, миям билан кириб, миям билан чиқдим!

— У тириклигида ҳам, ҳозир ҳам бизларга илиқлик баҳш этиб туради, - деб, Буратинодан қолган ўтинларни оловга ташлади Мальвина...

— Озиш учун фитнес залга бораётганмишсан...?
— Ҳа. Уч соат ўтириб келяпман.
— Нимага ўтириб?! Шуғулланмаяпсанми?
— Йўқ. Ошхонадан йироқ бўлсам-бўлди. Шуни ўзи ёрдам беради озишимга!

— Ўртоқ майор, ботинкангизни ранги ҳар хил экан. Қаранг, бири қора, бири қўнғир. Уйга қайтиб, алмаштириб келганингиз маъқул.
— Бордим. Уйдаги ботинкаларимнинг ҳам ранги шунақа, ҳар хил экан.

Мэрлин Монронинг сурати ҳанузгача реклама плакатларида учрайди. Одамлар ўлганидан кейин ҳам ишлаб юришибди. Мени хотиним тирик бўлса ҳам ишсиз!!!

Раҳбарият ойлик иш ҳаққини камайтирмайди. Ҳақиқий бахт пулда эмаслигини бот-бот таъкидлаб туради.

Бир ҳаёлпараст ерга қараб, ҳаёл суриб кетаётса, боши қарс этиб симёғочга урилибди. Қараса, симёғочга шундай деб ёзиб қўйилган экан:
"Симёғоч тепасидаги тугунда бир миллион пул бор. Олсанг, сеники! Агар ололмай, йиқилиб тушсанг, овозинг аёл кишини овозига айланиб қолади.
Ҳаёлпараст киши ололмай йиқилиб тушибди-ю, ростдан ҳам овози аёл кишиникига ўхшаб қолибди.
Ҳафа бўлиб турса, нарироқда бир эркак келиб қиз болани товушида:
— Ололмасангиз, нима қилардингиз чиқиб? - дермиш.

Икки оғайни тикода бир дўкон ёнига келиб тўхташибди. Машинани эгаси тикони эшигини қулфлаётса, ўртоғи унга қараб:
— Бу эски араванг кимга-ям керак?! - деса, дўсти:
— Ўтган сафар машинамни ичига ахлат ташлаб кетишибди. Шунга қулфлаб қўймоқчиман-да..., - дермиш.

Самсунг корпорацияси мобил телефоннинг навбатдаги моделини эълон қилди. Энди бу оддий бомба бўлади!!!