Дода латифалар

Бир куни доктордан сўрашибди:
— Нега ҳозирги болалар нервный бўлиб туғилишаяпти?
Доктор:
— Ҳозирги болалар онасини қорнида:
3 ойлик бўлгунча: — Мени аборт қилдирармикин йўқми?, - деб ўйланишади.
6 ойлик бўлгунча: — Дадам ойимга уйланармикан?, - деб ўйланиб хавотирланишади.
9 ойлик бўлгунча эса: — 1 ойлик стипендияга 3 киши қандай яшаймиз?, - деб нервный бўлишади

Хотининга нима совға қилмоқчисан?
— Ўзимга қолса, ҳеч нарса. Хотинимга қолса, бутун "Отчопар" бозорини сўрайди.

Афанди кўза кўтариб сувга кетаётган ўғлининг юзига бир тарсаки уриб: «Кўзани синдирма» деди.
— Бу нимаси,— деди хотини,— кўзани синдирмасдан туриб нега урасиз?
Афанди жавоб берди:
— Синдиргандан кейин уришнинг нима фойдаси бор, ҳозир эҳтиёт шарт-да.

Дугонам билан уни уйида кечгача гаплашиб ўтирдик.
Ҳеч қандай иш қилмади. Эри ишдан келишига ярим соат қолганда музлатгичдан дўкондан харид қилган тайёр чучварани олди-да, ошхонадаги столга озгина ун сепиб чучвараларни териб чиқди.
Бироздан кейин эри ишдан қайтди.
"Азизим! Сиз яхши кўрган чучварани тугиб қўйдим. Ҳозир пишираман!" - деса бўладими...?!
Ким айтди сизга уйда ўтирган аёллар кўп иш қилади деб? Унда бу нимаси?!

Агар хожатхонага кирмоқчи бўлсангиз-у банд бўлса, эшикни тортиб кўриб “У шу ерда! Тешикдан отинг!” деб бақиринг.

25 ёшли йигит дўстига мақтаниб дебди:
— Ишонасанми? Бир ой аввал ясашни бошлаган пазлни кеча тугатдим.
— Ҳазллашяпсанми?! Ахир шунчалик ҳам секин ясайсанми?
— Нимаси секин!? Пазлни қутисида 3-6 деган ёзувлар бор эди-ку! Демак мен тез ясаганман.

Қизни отаси йигит билан учрашиб, болани хунуклигини кўриб дебди:
— Э, қизимга ҳайронман. Сени ниманг ёқди экан унга?!
Йигит:
— Пластик карточкамни кўрсатганим маъқулми ёки нақд пулдами? – дермиш.

— Хўш дугонажон, бу iPhone сенга қанчага тушди?
— Йигирмата жанжалга, дугонажон...
— Вой, росса қиммат экан-да!?

— Адажон, нега синглимни исми Олтиной?
— Онанг тиллани жуда-ям яхши кўргани учун!
— Унда нимага мени исмим Тўхтасин?
— Кўп савол беравермагин...!

Поездда кетаётган йўловчи эҳтиётсизлик қилиб, купе эшигини қаттиқ ёпиб юборган экан, соқов йўловчининг қўлини сиқиб қўйибди.
Натижада эса, соқов одам:
— Вой дод!, - деб бақириб юборибди ...