Дода латифалар

— Салом, Расул ака! Бугун мен ҳайдовчилик гувоҳномасини олдим.
— Салом! Нега буни менга ёзяпсан? Ахир биз аллақачон ажрашиб кетганмиз-ку!?
— Шунчаки, энди йўлларда эҳтиёт бўлинг!

— Ҳар қандай лавозимга розиман.
— Марҳамат, мана супурги. Ишни бошлашингиз мумкин.
— Нима? Ахир мен институтни тамомлаганман.
— Беринг унда. Қандай супуришни кўрсатиб бераман.

Қадрли эркаклар!
Агарда бегона аёллар сизнингча ўзингизни хотинингиздан ёшроқ, чиройлироқ ва кўркамроқ кўринса, демак уларнинг эрлари яхши экан! Сизларга ўхшаган эмас!

Бир аёл диетолог врачга қўнғироқ қилиб дебди:
— Доктор, тез озмасам бўлмайди. Жуда-ям семириб кетганга ўхшайман.
— Нега унақа деяпсиз? – сўрабди врач.
— Бугун гапирадиган тарози сотиб олган эди. Уйга олиб келиб унга чиқсам, тарози менга “Шошилмай, биттадан чиқинглар

— Эшитдингми? Энди коррупцияга қарши кураш эмас, жанг олиб бориларкан...
— Ҳа! Жангда қурбонларнинг мулклари жангчиларга қолиб кетишини ҳам биласанми?!

Бир куни иккита ўртоқ учрашиб қолишибди.
Бири дебди:
— Нега ўз синфдошингни судга бердинг?
Иккинчиси:
— У мени ёшлигимда “Бегемот” деб чақирарди. Кеча ҳайвонот боғига боргандим, энди билдим бегемот қанақа бўлишини, - деган экан.

Бир йигит ҳар куни кўчадаги лўлига пул бериб тураркан.
Орадан вақтлар ўтиб, йигит лўлини ёнидан пул бермай ўтиб кета бошлабди.
Бир куни лўли йигитни тўхтатиб:
— Нима учун менга пул бермай қўйдинг? – деса, йигит:
— Уйландим. Оила ташвиши тушди бошимга. Шунга... - дебди.
Лўли ғазабга тўлиб:
— Нима, сен оилангни мени ҳисобимдан боқасанми? – деган экан.

3456 - йил. Ўзбекистон тарихи фани. Ўқитувчи қизил таёқни кўрсатиб, сўради:
— Болалар, биласизларми бу нима?
Ўқувчилар жавоб берди:
— Ҳа биламиз. Бу таёқ билан ГАИ қабиласи ов қилган ва оиласини боққан.

Хотин эрига:
— Телефонингизда Одил деб ёзилган рақамга қўнғироқ қилсам, аёл киши жавоб беряпти-ку?!
— Одилни хотини-ям текширяпти, Дилшод деган рақамдан ким қўнғироқ қиларкан деб...