Дода латифалар

Хотин эрига қўнғироқ қилиб дебди:
— Адаси, сизга иккита янгилигим бор. Биринчиси яхши, иккинчиси ёмон.
Ғазабланган эр:
— Ёмонидан бошла!
— Ёмони шуки, каптивани уриб олдим.
— Яхшиси-чи?
— Бошқа бундай қилмайман...

Бир куни ўрмонда барча ҳайвонлар базм уюштириб ўтиришса, бир қуён хансираб келиб, "Жонингдан умидинг бўлса қочиб қол!" дебди.
Ҳамма туриб қоча бошлабди. 2 км югуришгандан кейин шер тўхтаб:
— Мен ҳайвонлар шоҳи бўлсам, ким қувиб келаяпти, - деб сўраса, қуён:
— Эрим уйга маст бўлиб келди. Жаҳли жуда чиққан, - дермиш.

3456 - йил. Ўзбекистон тарихи фани. Ўқитувчи қизил таёқни кўрсатиб, сўради:
— Болалар, биласизларми бу нима?
Ўқувчилар жавоб берди:
— Ҳа биламиз. Бу таёқ билан ГАИ қабиласи ов қилган ва оиласини боққан.

Бир депутат иккинчисидан сўраяпти:
— Нега халқ бизни бунчалик ёмон кўради?
Иккинчиси:
— Мен ҳам ҳайронман...! Ахир бизлар деярли ҳеч нарса қилмаймиз-ку!

Ўқитувчи ўқувчисини савол-жавоб қилмоқда:
— Фозилжон, бу йил ёшинг еттида бўлса, келаси йил нечига тўласан?
— Тўққизга устоз.
— Саккизга тўласан!
— Топа олмадингиз. Ахир бугун мени туғилган куним!!!

Бир куни Афанди "Бугун ош қиламан" деган ҳаёл билан гўшт, сабзиларни тўғраб, қозон осибди. Қараса, гуручи қолмаган экан. Ўйлаб-ўйлаб рўпарада яшовчи бева аёлдан сўрашга қарор қилибди. Қўлида коса билан чиқиб, қўнғироқни босиб, ўйланиб қолибди Афанди:
"Ҳозир мен гуруч сўрасам, бу аёл менга "ош қиляпсизми" дейди. Мен уни меҳмонга чақиришга мажбур бўламан. Ош баҳона мен билан танишиб олиб, кейин ундан қутулолмай юрсам-чи?!" деб ҳаёл суриб турган экан, эшик очилиб қўшни аёл чиқиб қолибди. Афанди бўлса аёлга қараб:
— Э, гуручинг бошшингда қолсин, - дермуш.

Бир кун икки дўст учрашиб қолишибди.
— Дўстим, нега кўзинг кўкарган?
— Э, кўрмайсанми!? Спорт билан шуғулланай деб, тош кўтаришга боргандим. Бир бақувват спортчи тош кўтараётган экан... Шуни тамоша қилиб тургандим...
— Спортчини қўлидаги тош сени устингга тушиб кетдими?
— Йўк!
— Унда нега кўзинг кўкарган?
— Ҳалиги спортчини устидан кулиб юборибман...

— Ҳақиқий севги бор нарса!
— Бўлмаган гап!
— Ҳечамда. Мана қўшнимиз Наташахон. Ҳақиқий муҳаббат тимсоли. Севги нималигини билади!
— Ўлсин Наташахонинг севги тимсолимуш. У тўрт марта эрга текканку! Қаердан билсин севги нималигини!
— Билади, чунки тўрт марта эрга теккан бўлса ҳам ўйнаши ҳали ҳам битта одам!

Бир ҳайдовчини ГАИ тўхтатиб:
— Ҳужжатларингизни тақдим этинг, - дебди. Ҳайдовчи ҳужжатларни берибди.
— Қоидани буздингиз, жарима ёзаман, - дебди ГАИ ходими.
Ҳайдовчи:
— Майли, ёзинг,- дебди.
— Менга бирор нарса таклиф қилмайсизми?, - дебди яна ГАИ.
— Менга турмушга чиқинг, - дебди ҳайдовчи.
ГАИ шу заҳоти унга ҳужжатларини қайтариб, қочиб қолган экан.

— Касбинг нима?
— Бекорчиман!
— Унда қўшиқчи бўлақол!
— Йўғ-е, унчалик бекорчи эмасман...