Дода латифалар

— Тилла балиқдан онаси ўпмаган, адаси сўкмаган, бемаҳалда кўчада юрмаган, интернетни билмаган, телеграммга кирмаган, скайпда кўришмаган қизни сўрагандим.
— Хўш нима бўлди?
— Ўзини ўлганга солиб олди.

Қарға тумшуғида пишлоқ тишлаб, дарахтда ўтирган экан. Бир пайт дарахт тагига айёр тулки келибди-да, қўлидаги газетани вароқлаб ўқий бошлабди:
— Ўрмонимиздаги ҳаёт кундан-кунга яхшиланмоқда. Тез орада ҳар бир дарахт шоҳларида пишлоқлар пишиб туради...
Қарға эса буни эшитиб, тулкининг устидан — "ха-ха-ха", - деб кулган экан, оғзидаги пишлоқ тўппа-тўғри тулкининг қўлига келиб тушибди.
Шунда тулки пишлоқни оғзига солиб, дарахт тепасидаги қарғага:
— Газетадаги хабарлар устидан кулиш яхши эмас, - деган экан.

Янги йилда йигитининг олдига кетаётган қиз "қорқиз бўлиб бораман", деб магазинга кирибди.
— Қорқизнинг кийими қанча туради?
— 500 000 минг.
— Қиммат экан. "Золушканинг" кийими қанча туради?
— 800 000 минг.
— Қиммат экан, анув ялмоғиз кампир кийими қанча туради?
— У кийим эмас, ойна.

Суд залида:
— Гумонланувчи, нима учун сиз чўкаётган хотинингизни қутқаришга ҳаракат қилмадингиз?
Эркак жавоб беряпти:
— Мен уни чўкаётганини билмадим. У ҳар доимгидек бақираётганди...!

Туғруқхонада:
Врач:
— Кимни чақалоғи ярим соатдан бери йиғлаб ётибди?
Ҳамшира:
— Чақалоқ эмас, эрталаб туғилган учта эгизакни отаси йиғлаб ўтирибди.

Безори йигит кўчада турса, ёнига бир дудуқ одам келиб:
— К-к-кечирасиз, ду-дудуқлар мак-мактаби қа-қаерда? - деса, безори:
— Бошингга урасанми дудуқлар мактабини!? Шундоқ ҳам тайёр экансан-ку! - дебди.

Иссиқ ҳавода дўконга кириб келган болага сотувчи дебди:
— Нима оласан?
Бола жавоб берибди:
— Дам оламан.

— Қизим, идиш-товоқларни ювиб қўйгин!
— Чарчадим ойижон...
— Wi-Fi га пул тўлашдан мен ҳам чарчадим...
— Қайси идишларни ювишим керак?

Бир киши кечаси ухлаб ётса, эшик таққиллаб қолибди.
— Ким у? – дебди ҳовлига мўралаб.
— Сизларга ўтин керакми? – дебди нотаниш одам.
— Йўқ, керакмас! – деб ухлашга кириб кетибди.
Эрталаб турса, ҳовлида йиғиб қўйган ўтинлари йўқ эмиш.

Йигит севган қизи билан тунда соат 24:00 да сайрга чиқибди.
Қиз ичида ўйлабди:
— Қандай романтик йигитим бора…!
Йигит кулиб:
— Ҳа, мен романтикман! Романтиклар ўзи шунақа. Соат 24:00 да магазин, ресторан, дўконлар ёпиқ вақтда севган қизини сайрга олиб чиқади.