Дода латифалар

Олмани “қарс” этиб тишласангиз, ичида қурт сизга қараб турган бўлса ёмон.
Агар олмани “қарс” этиб тишласангиз, ичида яримта қурт турган бўлса унданам ёмон.

Тиланчи:
— Садақа беринг...
Бир киши:
—Пулим йўқ эди...
Тиланчи:
—Ишлаш керак биродар!

Жуда рашкчи хотин эри ўзига котиба қидирилаётганини билиб қолибди:
— Ёш ва чиройлисини олманг! Иложи борича хунук, қари ва семиз котиба танланг! - деса, эри:
— Бўпти! Душанбадан ўзинг ишга чиқавер, - дермиш.

Бир эркак бозорга бориб тарвуз сотиб олмоқчи бўлибди.
Битта тарвузни чертиб кўрибди, иккинчисини чертиб кўрибди, учинчисини...
Бир пайт хотини шанғиллаб:
— Дадаси, бўлди-да энди, уйғонинг! Боядан бери бошимга чертавериб хуноб қилдингиз-ку! - деган экан.

Бир маст киши милицияга телефон қилиб:
— Манави ерда 300 та одам ўлиб ётибди, - дебди.
Милиция:
— Тез манзилни айтинг! – деса, маст киши:
— Шаҳар қабристонида, - дермиш.

Водийдан Тошкентга биринчи мартта меҳмон бўлиб келаётган уч кампир машинада довон (перевал)дан ўтиб келаётишса, ҳайдовчини ҳазил қилгиси келиб қолибди:
— Онахонлар, ҳозир тепаликка, фаришталарга яқин жойга чиқиб борамиз. Ким-да ким чолига хиёнат қилган бўлса, қулоқлари битиб, ҳеч нарсани эшитмай қолади, - дебди.
Кампирларни қулоқлари битиб қола бошлабди. Шунда кампирлардан бири дебди:
— Жуда кўп хиёнат қилган бўлса кар бўлиб қолмайдими ишқилиб?!

— Эшитдингми? Энди коррупцияга қарши кураш эмас, жанг олиб бориларкан...
— Ҳа! Жангда қурбонларнинг мулклари жангчиларга қолиб кетишини ҳам биласанми?!

Иккита қиз бодринг сотиб олаётиб гаплашиб қолишибди.
— Ейишга ҳам оламизми?
Шунда сотувчи ҳайрон бўлиб:
— Қизим, бодрингни емасдан яна нима қиласизлар? – деса, қизлар:
— Э, амаки қизиғмисиз!? Биз ҳар доим бодрингдан юзимизга ниқоб тайёрлаймиз, - дейишган экан.

Отаси билан ҳиндулар ҳақидаги фильмни кўриб ётган болакай дебди:
— Адажон, нега бу одамлар юзларини бўяб олишган?
— Улар жанг қилишмоқчи, - дебди отаси.
Кечқурун ошхонадан югуриб чиққан ўғли адасига:
— Адажон, ойим жанг қилмоқчилар... – дермиш.