Дода латифалар

Чақалоқ туғилганидан гапиришни бошлади.
Биринчи сўзи ҳола экан, холаси вафот этибди.
Кейин тоға деган экан, тоғаси ҳам ўлиб қолибди.
Кейин дада деган экан қўшниси ўлиб қолибди.

Афандидан биров сўради
— Афанди, мучалингиз нима, неча ёшга кирдингиз?
— Мучалим аждар, элликка кирдим.
— Мучалнинг илон бўлишини эшитиб юрардиму, аждар бўлишини шу ёшга кириб, энди сиздан эшитишим,
Афанди тушунтириб берди:
— Ёшлигимда онам раҳматлик, сенинг мучалинг илон деган эдилар. Ҳозир элликка кирдим, эллик йил ичида ҳар қандай илон ҳам аждар бўлиб кетади-да.

Ота ўғил чет эл сафарида харобалар орасига экскурсияга чиқишди. Шу пайт ўғил отасига:
— Дада, нима бу ерда ойим машина ҳайдашни ўрганганмила? - дермиш.

Бир йигит жон таслим қилаётган қайнонасини бошида ўтирибди. Қуёш ботаётган пайтда қайнона зўрға кўзини очиб, кун ботаётган тарафга қараб:
— Қуёшни ботишини қаранг куёв, қандай гўзал-а...
— Ойижон у ёққа қараманг, чалғимай ўз ишингиз билан шуғилланинг...

Бемор:
— Доктор, соғлигим жойида эмасга ўхшайди! Эндигина қирк ёшни қораладим, лекин кўзгуга қарашга қўрқаман! Тепакалман, кўзларимнинг ости осилиб қолган, юзимни ажин босган, тишларим тўкилиб кетган! Менга нима қилган, а?
Доктор:
— Аниғини айтолмайман... Балки ҳаммаси сиз ўйлаганчаликмасдир... Нима бўлганда ҳам, кўзингиз ўткир экан!

Афандидан биров сўради:
— Афанди, минора қандай қурилади? Афанди жавоб берди:
— Эски қудуқни тўнтариб минора ясалади.

Тушликдан сўнг эр хотинига деди:
— Хотин, қара, меҳмонлар яна ликопларингни ўғирлаб кетишибди…
— Қайсиларини?
— Ҳалиги «Еттинчи осмон» ресторани, деб ёзилганлари бор эди-ку…

Биринчи синфда ўқийдиган Холмат, онасига дебди:
— Ойи, бугун директоримиз мендан: Сен оилада битта фарзандмисан?, - деб сўради
— Ҳа сен биттасан. У нима деди?
— Худога шукур, - деди.

Бўри билан бўғирсоқ курашмоқда. Бўри рақибидан бўйи анча баланд эканини кўриб деди:
— Олдиндан огоҳлантириб қўяй, белдан пастига уриш мумкин эмас.
— Майли, у ҳолда каллага ҳам.

Бир одам кўчада 100 долларлик пулни қалбаки эмаслигини текшириш учун қуёшга тутиб томоша қилиб турса ёнига бир ГАИ ходими келиб:
— Машинада эмасмисиз?
— Йўқ!
— Афсус!