Дода латифалар

Бир банги толни салқинида писта чақиб ўтирган экан, қўлидан бир дона писта ерга тушиб кетибди. Шунда ҳалиги банги пистага қараб:
— Эй, ёнимга кел, - дебди.
Лекин писта жойидан қимирламабди.
Шунда банги:
— Эй, ёнимга кел деябман, - дебди.
Лекин писта жойида туроверибди.
Шундан кейин ҳалиги банги 5-6 та пистани ерга сочиб:
— Ҳой, менга анави пистани ушлаб келларинг, - дебди.

— Ойижон мен 16 ёшга тўлганимга 1 йил бўлди, Нега менга лабимни бўяшга ҳали ҳам қаттиқ қаршилик кўрсатяпсиз?
— Диилшоооооооод ўчир овозингни!

Подшо бир куни Афанди билан суҳбат вақтида мучал суриштириб қолган эди, Афанди йил ағдариб кўриб: «Мучалингиз ит экан» деди. Подшо оғринди:
— Жаҳонга шер бўлиб танилган бир жаҳонгир наҳот ит бўлса. Адашмай дурустроқ ҳисобла, хеч бўлмаса йўлбарс чиқар!
Афанди жавоб берди:
— Ишнинг бу томонини ўйлайдиган бўлсангиз, сиз итлигингизда тура берингу мақташни менга қўйиб беринг: мучалингиз фил, тақсир!

Афанди Подшо билан овга кетаётган эди, олдиларидан қуён чиқиб қолди.
— Югуринг Афандим, ушланг қуённи,— буюрди Подшо.
— Афанди отдан сакраб тушиб қуённи қувлай кетди. Қуён тутқич бермай қочиб қолди. Афанди ҳарсиллаганча Подшонинг ёнига келиб, елка қисди.
— Э, ўзингизам тоза ношуд экансиз—да! Шу олдигинангизда турган қуённи икки сакраб тутолмай... Э шалвирамай қолинг—э!
— Ўзингиз ўйланг ахир, қорин тўйгазиш умидидаги қувиш билан жон қутказиш умидидаги қочиш баравар бўладими?!

Учта пашша гаплашиб ўтириб зерикибди. Уччаламиз уч томонга кетамиз ва бир йилдан сўнг шу ерда кўришамиз деб учишибди. Орадан бир йил ўтибди, пашшалар келишилган жойда йиғилишибди:
Бири семирган, иккинчиси ўз ҳолатида, учинчиси озиб кетган экан. Семирган пашшадан сўрашибди:
— Сен қаерда бўлдинг?
— Мен бой хонадонга бориб овқатни ичига тушсам, бир коса овқатни суриб қўйишарди. Мазза қилиб еб ётардим.
Иккинчисидан сўрашибди:
— Сенчи?
— Мен шундай овқатга учиб тушардим, бир қошиқда олиб қўйишарди, шуни еб ётардим.
Учинчисидан сўрашибди:
— Сенчи? Нега озиб кетдинг?
— Мен студентларнинг ётоқхонаси олдига бориб қолдим, шундай овқатига тушсам, қанотимдан ушлаб, бир шимиб отиб юборишарди.

Доктор беморга деди:
— Сизга ичиш, чекиш, бегона аёллар билан мулоқотда бўлиш таъқиқланади.
Бемор ўзича ўйлади:
«Хотиним қурмагур шу ергаям келиб кетдими дейман?»

Бир алкаш барга кириб барменга 200г қуй тозасидан, - деса
Бармен ҳайрон бўлиб, қуйибди.
— Ёнимдаги акаларга ҳам қуй, ўзинга ҳам қуй!, - дебди
"Раҳмат" деб, чиқиб кетаётса. Бармен:
— Пулини беринг, - деса
— Ўзинг ҳам ичдингу, - дебди
Барменнинг жаҳли чиқиб, боягини роса урибди.
2 кун ўтиб барменни олдига калтак еган алкаш келиб:
— Манга 200г, ўтирганларга 300г дан қуй, - дебди.
Бармен:
— Ака ман ичмиманми, - деса
— Сан ичвосанг тўпалон қиларкансан, - дермиш.

— Кўпчилик ёшлар Интернетдан чиқиб кета олишмаяпти.
— Нега? Нима ҳалақит беряпти?
— Буни хоҳлашмаяпти.

Уй бекаси кундалигидан:
Бир пайт кўчадан бир одамча кириб келди, ҳаммаёғи лой. “Сизни ўғлингизман”, деб айтди. Ювиб тозалаганимдан сўнг маълум бўлади энди. Лекин овози ўғлимникига жуда ўхшайди...

Физика ўқитувчиси Азизга ер шари қандай айланишини тушунтириб берибди.
Ароқхўр қўшниси Тошпўлат ака эса Азизга ер нима учун айланишини гапириб берибди.