Дода латифалар

Қотилликда айбланган одамни суд қилишяпти. Судья:
— Сиз хотинингизни болта билан ўлдиргансиз!
Суд залидан овоз келди:
— «АБЛАҲ!!!».
Судья:
— Сиз яна қайнонангизни ҳам болта билан ўлдиргансиз.
Суд залидан яна овоз келди:
— «ИФЛОС!!».
Судья бақирган одамга:
— Жаноб, бу кишининг қабиҳ жиноятлари жаҳлингизни чиқараётганини биламан, лекин яна бир марта бақирсангиз, залдан чиқазиб юбораман.
— Узр, жаноб судья, ман бу кишининг 22 йиллик қўшнисиман. Бу аблаҳдан ҳар доим болта сўрасам, болтам йўқ дерди.

Икки чукча кетаётса, бири иккинчисига:
— Қара, мен 10 доллар топиб олдим!
— Маладес, ие нимага ташлаб юбординг?
— Қалбаки экан.
— Қаердан билдинг?
— 10 да иккита ноль борлигини кўрганмисан?

Шогирд устози пиру комилдан сўрабди:
— Айтингчи устоз, нега қизлар эрга тегаётган пайтда ихчам, енгил бўладилар, яъни 40-50кг атрофида?
— Оилага тезроқ ва осонгина кириб олиш учун, - деб жавоб берибди устоз.
— Нега улар ҳеч қанча вақт ўтмай 2-3 баробар бўлиб оғирлашиб кетадилар?
— Оғирлашиб кетишларини сабаби шуки, уларни оиладан итариб юбориб чиқариш қийин бўлиши учун, - деган экан устоз.

Янги йилни нишонлаб тонгга яқин бир аҳволда уйга кириб келган эрни хотини кутиб олибди.
— Юзимга қарашга энди қандай чидайсиз? – дебди хотини.
Эр бўлса унга:
— Ҳечқиси йўқ онаси, шунча йил чидаб келяпман, бу ёғи ҳам қарайвераман, - дермиш.

Агар раҳбаримиз ишхонада бўлмаса хонамда ётиб ухлайман.
Агар раҳбаримиз ишхонада бўлса хонамда хушёр ётиб ухлайман.

Ўқитувчи сўрабди:
— Алишер, нима учун "Менинг маҳаллам" мавзусидаги иншоинг Қодиржоннинг иншоси билан бир хил ёзилган.
Алишер дебди:
— Чунки мен Қодиржон билан битта маҳаллада яшайман-да!

Бола уйга келиб адасига деди:
— Бугун мактабда 5 баҳо олдим.
Адаси сўрабди:
— Қайси саволга жавоб бердинг?
Бола:
— Атом заррасида нечта молекула бор? - деган саволга 2 та деб жавоб бердим.
Отаси:
—Атомда молекула 3 та-ку?!
Бола:
— Ҳамма 1 та деб жавоб берди. Меники тўғри жавобга яқин келди.

Энг яхши тонг бу - ўрнингдан турдинг, ювиниб чой ичдинг ва яна ётиб ухлаб қолдинг!

— Сизни энг кучли жиҳатларингиз нимада?
— Мен инсонларга "йўқ" дея оламан!
— Бунга мисол келтира оласизми?
— Йўқ!