Дода латифалар

Афанди эшагини етаклаб кетаётса, олдидан катта амалдор чиқиб қолибди.
— Ҳа, афанди! Эшагингизни мактабга олиб кетяпсизми? – дебди амалдор кулиб.
— Тўғри топдингиз. Мактабга кетяпти. Ўқисин! Яхши ўқиса, келажакда катта амалдор бўлади, - деган экан ҳозиржавоб афанди.

Чумолилар билан фил уришиб кетишибди. Фил бир силкинган экан, ҳамма чумолилар ерга тўкилиб тушибди. Фақат битта чумоли филни бўйнига осилиб қолган экан, пастда турган чумолилар “Томоғидан бўғ!” деб бақиришармиш.

Бир йигит йўлда кетаётиб чиройли қизга қарабди.
Ёнидаги ўртоғи унга:
— Қарама! Бу қизга кеча мен қараган эдим, - дермиш.

Бир мижоз ресторанга кириб официантга:
— Жанжал бўлмасидан менюни олиб кел! – дебди.
Официант ҳайрон бўлиб менюни келтирибди.
Кейин мижоз ҳар гапида “жанжал бўлмасидан уни олиб кел! Жанжал бўлмасидан буни олиб кел!” деяверибди.
Охири официант ундан сўрабди:
— Нега ҳар гапингизда жанжал бўлмасидан…! Деяверасиз. Қачон, нега жанжал бўлади? – деса, мижоз:
— Жанжалми? Энди бўлади. Чунки мени тўлагани пулим йўқ! – дебди.

Бир одамнинг уйи бор экан-у, эшиги йўқ экан.
Нима қилишини билмай, уйини сотиб эшик сотиб олибди.

Одамларни фариштадек кўринишга уринишини кўриб, гуноҳкор битта мен эканман деб ўйлаб қоламан...

Икки ҳомиладор қўшни аёл суҳбатлашяпти.
— Сиз нима кутяпсиз?
— Ўғил. Ўғил бола яхши-да! Эрта кунда дадасини ёнига кирар экан. Сиз нима кутяпсиз?
— Мен қиз кутяпман. Қиз яхши экан. Эрта кунда менга тайёр ёрдамчи!
Буларни суҳбатини 5 ёшли қизалоқ эшитиб турган экан. Кўчага чиқса бекатда қорни катта амаки ўтирган эмиш. Қизча сўрабди:
— Амаки, сиз нима кутяпсиз, - деса, амаки:
— Автобус, - дебди. Қизча ҳайрон бўлиб:
— Вой!!! - дермиш.

Бошлиқ котибаси билан поездда бир купеда кетяпти. Эркак пастки жойда, котиба эса юқоридаги жойда. Тунда котиба пастга қараб:
— Мен совуқ қотяпман. Менга кўрпа узатиб юборолмайсизми?- деб нозланибди.
— Келинг, бу тун бир-биримизни эр-хотин деб тасаввур қиламиз,- дебди бошлиқ
Котиба хурсанд бўлиб:
— Бажонидил! - дебди
— Ундай бўлса кўрпани ўзинг ол! Қўлинг синмаганку ахир! - деб ўшқирибди бошлиқ

Бир аёл келин кўйлаклар салони ёнидан ўтиб кета туриб, ажойиб келин кўйлагига кўзи тушибди.
У кўйлак аёлга жуда-ям ёқиб қолибди.
Ёнида жимгина кетаётган эрига қараб:
— Келинг азизим, мен билан ажрашинг. Қайтадан турмуш қурардик. Мен шу кўйлакни кийгим келяпти, - дебди.
Эри бўлса:
— Ажрашинг??? Сени ўрнингда бундай хатарли ишга қўл урмаган бўлардим. Менга бундай имконият беришдан аввал яхшилаб ўйлаб кўр! - дермиш.

Икки ака-ука узоқ масофани қай бири яхши кўра олишини синаш учун беллашишибди.
— Ака, ҳов анави ўрмоннинг орқасидаги чўлда бир чумоли кетаяпти, - деса, акаси:
— Ҳа, укажон. Ўғил бола чумоли дегин, - дермиш.