Дода латифалар

Бир аёл қўшнисиникига элакка чиқибди. Қўшниси ҳомиладор экан. Аёл қўшнисига дебди:
— Вой қўшни, бир дугонам ҳомиладорлигида "Тоҳир ва Зуҳра" китобига бошқоронғи бўлган экан эгизак туғибди. Яна-чи, аммамни келини "Уч оғайни ботирлар" китобини ўқиб, уч эгизак туғибди, - деса қўшнисининг ранги оқариб кетаётган эмиш.
— Вой, сизга нима бўляпти, - деса, ҳомиладор қўшниси:
— Мен "Алибобо ва қирқ қароқчи" китобини ўқиётган эдим..., - дермиш.

Иккита жинни баланд бинога қараб туриб суҳбатлашмоқда:
— Шу бинодан пастга сакраган одам, нечи кунда ерга тушаркин?
— 3 кунда тушса керак?!
— Тушган одам ўлармикин?
— Эсинг жойидами? 3 кун овқат емайди, сув ичмай-ю, ўлмайдими?!

— Алло, менга ёрдам керак!
— Нима гап?
— Иккита қиз мени талашиб уришмоқда!
— Хўш, нима бўпти?!
— Хунуги ғалаба қиляпти!

Стоматолог қабулхонаси. Ичкаридан бақирган, "дод-вой" овозлари эшитилиб, хонадан бир одам чиқиб келибди.
Бошқа беморлар:
— Қаттиқ оғритарканми?, - деб сўрашса,
Ҳалиги одам оғзидан иккита узилган бармоқни олиб ташлаб:
— Билмиман, мен бақирмадим, - дермиш.

Тиббий кўрикдан ўтаётиб, пешобимни Fanta ни идишида олиб борибман...
Лабараториядаги қизлар бўлса менга қараб:
— Вой нима қилардингиз овора бўлиб, раҳмат, - деб юборишди.

— Яхши кўрган қизим чўнтагимдан аёллар лаб бўёғини топиб олибди. Сенга хиёнат қилдим деб зўрға қутулиб қолдим.
— Нега унга ростини айтмадинг?
— Нималар деяпсан?! Faberlic да ишлашимни билиб қолса, тамом бўламан-ку...

Ёш учувчи қўниш майдончасига яқинлаша туриб, диспечер билан ҳазиллашмоқчи бўлибди. Рацияни кўтариб:
— Алло, кимлигимни топ-чи?, - деса, диспечер қўниш майдонидаги ҳамма чироқларни ўчириб қўйибди-да:
— Қаерга қўнишингни топ-чи, - дермиш.

Бир эркакнинг иккита хотини бор экан. Аммо иккала хотини ҳам бу ҳақда мутлақо бехабар экан. Бир куни ўша одам иккала хотинини ҳам бирга, битта жойга дам олишга юборибди. Дам олишга борган аёллар ҳеч нарсадан бехабар, бир-бирлари билан яқин дугона бўлиб қолишибди, бирга суратларга тушибди. Дам олишдан қайтгач, эри биринчи хотинини олдига бориб:
— Хўш, қандай дам олдинг, кимлар билан танишдинг, - деб сўрабди.
Шунда хотини:
— Мазза қилиб дам олдим. Бир аёл билан танишдим, - деб эрининг иккинчи хотинини расмини кўрсатибди. - Лекин жудаям енгилтак аёл экан, ҳар куни ҳар-хил эркаклар билан юрди-я, - дебди.
Эртаси куни иккинчи хотинини олдига борган эр, у аёлдан ҳам гапириб беришини сўраса:
— Адаси манави расмдаги аёлни қаранг. Жудаям яхши аёл экан. Дам олишга эри билан келиб, эри билан кетди, - деган экан.

ГАИ ходими автомобилни тўхтатиб деди:
— Нега тунелдан ўтаётганда чироқни ёқмадингиз?
Ҳайдовчи:
— Мен бошқа шаҳардан келганман. Бу тунелни чироғи қаердан ёқилишини билмайман...!

Бир куни қўшниси Афандидан сўради:
— Сизда қирқ йиллик сирка бор деб эшитаман, ростми?
— Ҳа, рост,— деди Афанди.
— Сиркани қирқ йил қандоқ асрадингиз? Пича берингчи?
— Ҳар кимга пича-пича бераверсам, қирқ йил ичида сирка қолармиди,— жавоб берди Афанди.