— Яхши қиз, буржингиз нима?
— Балиқ. Сизники-чи?
— Балиқчи.
Келажак ёшлар қўлида. Ёшлар хорижда! Демак, хорижий мамлакатлар ҳам бизни ихтиёримизда экан-да?!
Бир қиз кетаётганда орқадан хуштак овози эшитилибди.
Қиз хурсанд бўлиб орқасига қараса, бир одам итини чақираётганмуш.
Иккита қозоқ қиз:
— Дугонажон, сени йигитинг қачон олиб қочади-ю, тўй қиласизлар?
— Билмадим, ҳозирча фақат гапни олиб қочяпти!
Икки дўст суҳбатидан:
— Ўртоқ, ҳаётингда йўл қўйган энг катта хато қайси?
— Тунов куни ўзим яхши кўрган мобил ўйинини 98% бўлганида "отменить" қилиб чиқиб кетгандим. Уни 98% бўлишини мен 3 соат кутгандим...
Агар уйланмаган йигитларда қайнонанинг тажрибаси бўлганида эди, ҳамма йигитлар бу дунёдан бўйдоқ ўтиб кетарди.
Имтиҳонга кирган талаба битта билетни олиб жойига қўйиб қўйибди.
Узоқдан кузатиб ўтирган профессор:
— Нега билетни қайтариб қўйдингиз? - дебди.
— 13 билет экан. Мен иримчиман. Хосиятсиз рақамли билетни олишни истамадим, - дебди талаба.
— Ирим-сиримларга ишонманг. 13-рақамли билетга ҳам яхши жавоб берса бўлади, - дебди профессор ва талабага 13-билетни топиб берибди.
Талаба ҳамма саволларга жавоб бериб "5" баҳо олиб ташқарига чиқибди.
Дўстлари "Нима бўлди?" дейишса, талаба:
— Ўзи фақат 13-билетни саволларига тайёрланган эдим. Профессорни лаққа туширдим, - деган экан.
Фурсатдан фойдаланиб, севган қизимни ихтирочилар куни билан табриклайман! У ҳам ўзича, ўзидан кимнидир ясаб олган...
— Нега кўпчилик караокеда қўшиқ куйлашни хоҳламайди?
— Овози яхши бўлмагани учундир-да!?
— Йўқ, ўқишни билмагани учун!
— Сиз билан танишсак бўладими?
— Йўқ, мумкин эмас!
— Нимага?
— Мен сиз билан зерикаман, сиз эса мени тушунмайсиз!
— Нимага?
— Айтдим-ку, сиз мени тушунмайсиз, мен эса зерикиб бўлдим!