Машинамга 80 бензинни 5700 сўмда қуйгани кетдим. Баҳорда қайтаман.
Офисда:
— Нима қилай, компьютерим принтерни кўрмаяпти!?
— Мониторни принтер томонга қаратиб қўйишинг керак!

Таксида она ўғли билан кетаётган экан. Ўғли ҳайдовчидан кўзини узмай қарайверибди. Буни кўрган ҳайдовчи:
— Ҳой болакай, нега менга тикилиб кетяпсан? – деса, болакай:
— Йўлда ёпиқ турган метан заправкаларни кўриб сиз ҳам адам айтган сўзларни айтармикансиз деб қараб кетяпман, - дебди.

— Лотореяда пул ютиб олсам нима қиласан?
— Вой адаси, пулни ярмини берсангиз, ҳамма айтган ишларингизни қилиб қўярдим.
— Жуда яхши! Лотореядан 100 минг сўм ютуқ чиқди. Мана 50 минг. Ҳовлидаги қорларни тозала, машинамни ювиб қўй, бозорга бориб рўзғор қилиб кел!
Шифокор қабулига келган бемор:
— Жудаям семириб кетяпман. Нима қилсам бўлади?
— Жисмоний машқларни кўпроқ бажаринг!
— Шундоқ ҳам ишга пиёда бориб-келаман.
— Бу камлик қилади. Эрталаб ва кечқурунги тиқилинч вақтда автобусга чиқиб туринг!
Уйда Wi-FI ишламай қолди. Ҳозир бориб идишларни юваман, кирларни юваман, уй тозалайман, кечки овқатни тайёрлайман, ...
Ие, ана бўлди! Ишлаб кетди!
Фермада яшайдиган товуқ 5 килограм келадиган тухум қўйибди.
Журналистлар товуқдан сўрашибди:
— Бунга қандай эришдингиз?
Товуқ:
— Бу сир! - дебди.
Журналистлар яна сўрабди:
— Келажакдаги режангиз қандай?
— 7 килограмлик тухум қўйиш, - дебди товуқ.
Журналистлар хўрозни ёнига келишибди:
— Сизни режаларингиз қандай?
Хўроз дебди:
— Фермадан туяқушни тезроқ йўқотмоқчиман!
Эри ичиш ва чекишни ташлаган аёллар, уларни бошқа камчиликларини сеза бошлашади.

Китоб дўконига кириб "Муаммоларингизни ярмини тез ва осон ҳал қилинг" деган китобни кўриб қолдим. Агар шу китобдан иккита бўлса, ҳамма муаммолар ҳал бўларкан деб 2 та китоб сотиб олақолдим.

— Нимага паспортимда бунча кўп бўш саҳифалари бор?
— Бу сени ҳаётинг зерикарли эканингни билдиради.