Ofis xodimlari suhbatidan:
— Qara, yana bir hokim pora bilan ushlanibdi.
— Eski xabarlarni o‘qiyapsan!
— Eski emas, yangi...
— Buni yangiligi qolmadi!
#Ishxona
10
Hech qachon taslim bo‘lma! Oxirigacha sharmanda bo‘l...!
#Qisqa #Ozbekona #Sport
23
Bir yigit har kuni ko‘chadagi lo‘liga pul berib turarkan.
Oradan vaqtlar o‘tib, yigit lo‘lini yonidan pul bermay o‘tib keta boshlabdi.
Bir kuni lo‘li yigitni to‘xtatib:
— Nima uchun menga pul bermay qo‘yding? – dyesa, yigit:
— Uylandim. Oila tashvishi tushdi boshimga. Shunga... - debdi.
Lo‘li g‘azabga to‘lib:
— Nima, sen oilangni meni hisobimdan boqasanmi? – degan ekan.
#Erkaklar #Firibgarlar
47
Boshlang‘ich sinf o‘qituvchisi o‘quvchilariga:
— Qo‘limda ikkita olma bor edi. Bittasini yeb qo‘ydim. Nechta qoldi? - desa, orqada o‘tirgan bir bola sinfdoshiga qarab:
— Kap-katta odam shuncha bola turganda, olmani o‘zi yeb qo‘yib, endi uyalmasdan bizdan so‘rashini qara! - dermish.
#Bolalar #Oʻqish-maktab #Ustoz-shogird
67
Bir chol tilla baliq ushlab olgan ekan. Har doimgidek, baliq tilga kirib cholga debdi:
— Meni qo‘yib yubor! Istagan tilagingni bajo keltiraman...!
Chol ko‘pam o‘ylab o‘tirmay:
— Go‘zal ayol ber menga! – debdi.
Suvdan go‘zal pari chiqibdi.
— Bundan ham go‘zalroq bo‘lsin, - debdi yana chol.
Avvalgisidan ikki karra go‘zal husnli pari chiqibdi.
Chol yana:
— Go‘zallikda tengsiz bo‘lsin! – degan ekan, baliqni jahli chiqib:
— Noshud banda, yaxshilikni bilmading, - deb suvga kirib ketibdi.
Chol ne ko‘z bilan ko‘rsin-ki, suvdan o‘zini kampiri chiqib turganmish.
#Er-xotin #Qariyalar #Tilaklar #Ertaklar
19
Birinchi sinfda:
— Toshmatov, ikki karra ikki nechi bo‘ladi?
— To‘-o‘-o‘rt!
— Nega yig‘layapsan?
— Besh bo‘lishini xohlayman.
Beshinchi sinfda:
— Toshmatov, ikki karra ikki nechi bo‘ladi?
— To‘rt!
Kollejda:
— Toshmatov, haligacha bilmaysanmi!? Ikki karra ikki nechi bo‘ladi?
— O‘zingiz aytavering ustoz, qancha bo‘ladi...?
#Oʻqish-maktab #Talabalar #Uqituvchi-domla
27
Kechadan beri telefonimga SMS keladi. Nima emish, “Zamonaviy va ozoda jamoat xojatxonalarini tashkil eting va soliq imtiyozlariga ega bo‘ling!” Zamonaviy qilib-ku qurib qo‘yishar, ammo ozodaligini qanday saqlashadi? Bechora tadbirkorlarimiz...
#Qisqa #Boshqalar
17
Echki katta o‘rmonga nozir qilib tayinlanibdi. U tipratikanni “Tikanlaring jamoat joyida xavfli”, deb qamab qo‘yibdi. Qamoqxona kamerasiga kirsa, laylak o‘tirganmish.
Tipratikan unga hasrat qilibdi:
— Qara, tikanim uchun qamashdi. Bu tabiatdan shunaqa bo‘lsam, men nima qilishim kerak?
Laylak:
— E, bu hech narsa emas! Meni har yili qishda qaysi daromad hisobiga janubga dam olgani uchib ketasan deb qamashadi... - dermish.
#Hayvonot
45
Yosh qiz telefoniga qarab o‘tirsa, buvisi yoniga kelib:
— Shu telefoningni doim qo‘ldan qo‘ymaysan. Nimalar qilasan? – debdi.
Qiz javob beribdi:
— Qarang buvijon, mana bu onlayn do‘kon. Bu gruppalardan ko‘ylaklarni buyurtma qilsa bo‘ladi. Uygacha olib kelib berishadi. Men mana bularni buyurtma qildim...
Buvisi:
— Bolam, shuncha tungi ko‘ylaklarni nima qilasan? – desa, qiz:
— Buvijon, bu tungi ko‘ylaklar emas! O‘qishga kiyib boradigan ko‘ylaklar-ku axir!!! – dermish.
#Yoshlar #Qariyalar #Doʻkon-bozor #Internet
13
— Yaxshi qiz, yoshingiz nechida?
— 23ni urib qo‘ygandim...
— Ancha bo‘ldimi urganingizga?
— 7 yilcha bo‘lib qoldi...
#Ayollar #Uchrashuv #Lof-yolgon
46

Latifa.uz loyihasi haqida

Latifa.uz - har kuni yangi va sara ichakuzdi latifalar, hangomalarni taqdim qilamiz. Turli mavzularda eng zo'r latifalar: er-xotin, sevishganlar, do'stlar, ishxona, bozor, haydovchilar, o'qituvchilar, shifokorlar, 8 mart, yangi yil, futbol, afandi va yana ko'plab mavzularda latifalar birinchi bo'lib bizning saytimizda chiqadi. Vaqtingiz maroqli o'tadi, do'stlar davrasi, choyxona va gaplarda bizning latifalarni aytib davrani bemalol qizdira olasiz. Dolzarb mavzularda kulguli rasmlar, yumorga boy dialoglar ham sizni mutlaqo befarq qoldirmaydi.

Ijtimoiy tarmoqlarda tarqalgan latifalarning aksariyati aynan Latifa.uz saytining kanal va sahifalaridan olinadi. Telegram, Instagram, Facebook, Twitter'da bizning latifalar orqali odamlar bir-biriga hush kayfiyat ulashadilar. Shu bilan birga saytimiz odamlarni kayfiyatini ko'targan holda yoshlarning savodxonlik darajasini oshirish, sifatli matnlar bilan ularni ko'proq mutoalaa qilishga qiziqtirish. Biz internetda seks, porno, zo'ravonlik hamda 18+ matnlarni tarqalishiga mutlaq qarshimiz. Beldan pastga tushmagan samimiy yumor bilan odamlarning hordig'ini mazmunli o'tishiga hissa qo'shish uchun astoydil harakatdamiz, yoshlar orasida erotika va pornografiya tarqalishini oldini olishni to'liq qo'llab quvvatlaymiz.

Agarda biron-bir latifa bo'yicha e'tirozlar bo'lsa, bizga habar bersangiz saytdan o'chirib tashlaymiz.

Boshqa loyihalarimiz

TVinfo.uz — Телепрограмма на сегодня, завтра и ближайшую неделю.
tvinfo.uz
DostavkaInfo — Каталог сервисов, предлагающих доставку еды, лекарств, книг и товаров для дома.
dostavkainfo.uz
Imlo.uz — Орфографический словарь узбекского языка позволяющий проверить правописание узбекских слов на латинице и кириллице. В базе более 87 000 слов.
imlo.uz
Lotin.uz — поможет транслитерировать с узбекской кириллицы на латиницу и обратно. Легко!
lotin.uz
Самая большая коллекция пословиц и поговорок на трёх языках (узбекский, русский, английский).
maqollar.uz
Полное, подробное значение, происхождение, формы узбекских имен. Узнайте значение имен себя и своих близких.
ismlar.com
Ежедневно только отборные анекдоты, смешные картинки. Кузница юмора на узбекском языке!
latifa.uz
Самый большой каталог телеграм каналов в Узбекистане. Только активные каналы по категориям и с подробной статистикой.
uztelegram.com
Bosh sahifaDodalariQidirishRuknlarQo'shish